Page 315 - Былыр этэ диэххэ

Байанай соһуччу бэлэҕэ

иир бөһүөлэккэ олордорбут да элбэх үлэһии-
нэн тэриллэн, күһүҥҥү күстэххэ Бадьарыа-
ха үрэҕин төрдүгэр айаннаан иһэбит, — диэн
кэпсээнин саҕалаата Уйбаан Нойокуобум. — Биирдэ эмэ Белайга
кэллэхпинэ, булка мүччүргэннээх сырыыларгыттан кэпсээ эрэ
диэн хаайарым үгүс.
— Икки мотуорунан айаннаан иһэбит. Мин мотуорум уруулу са-
лайар тиистэрэ аккаастаан, Райсэбиэт арыытын дьаарын тумсугар ти-
гистибит. Араас булка тутуспутунан сылдьар табаарыһым Дьэкиимэп
Сааса уоппускатын ылыаҕыттан «дьалкыйбыта» ыраатта. Абааһы
уолун аралдьытаары илдьэ кэлбитим да, Сиипсэп Сааса балай эмэ
«өйүөлээхпин» диэн киһибитин бэттэхтэтэр былааммын алдьатары-
гар тиийбит. Саатар, бу мотуорум муокастаата. Аҕал эрэ мин көрүүм
диэбитигэр, Сиипсэп Саасаҕа миэстэбин туран биэрэн, көрөөччүнэн
олоробун. Дьэкиимэп Сааса кэтэһэ сатаан тулуйбакка, Сиипсэп
луоккатыттан чаанньык ылан дьаар тумсугар чэй оргута таҕыста.
Тиийиэхтээх сирбит чугас диэн ким да тиэрмэһэ суох сылдьабыт.
Миэхэ сайыны быһа балыкка илдьэ сылдьыбыт икки кураанах тиэр-
мэһим дьиэҕэ киирбэккэ бордочуокпар сытар буолуохтаахтар.
Баччаҕа хаппыт үөтүнэн чаанньык утайан оргуйуо дуо. Ас
баҕас дэлэй. Сиипсэп сиргэ бытыылката суох сылдьыбат. Ол иһин
Дьэкиимэп чэйдээри сылтаҕыран абырахтанар санааланнаҕа. Уот
күүһүн ылан буруота сүтүүтэ, чаанньык оргутааччы киһибит
хаһыырбытыгар көрө түспүтүм, биһигини бүрүммүтүнэн, бөргө
түүтүн икки диэки охсон дьалкылдьыта, аарыма тайах бу атара-
лаан кэллэ. Луоккалары чуут сыыһа-халты ууга ыстаммытыгар,
талааҥҥа оҕустаран, луокка кырыытыгар олорор киһи арыый-
даттан ууга түспэккэ хааллым. Луоккалар өрүтэ ыстаҥалыы
турдахтарына, уруул торуоһун сыыйа сыппыт Сааса ойон туран
луоккатыгар ыстанаары быһаҕаһа ууга түстэ. Ууга түһэн эрэри
өрүһүйээри хамнанан, икки луокка кырыытынан кыһарыйан,
киһим атаҕын кыптыыйдыы ыллаттаран оһоллуу сыспыппын.
Ону ол диэбэккэ, атаҕын ньылбы тардан тахсан луоккатыгар бэ-
лэм сытар саатын хаба тардан ылаат, оол курдук устан ньолбойон
эрэр тайаҕы ытыалаан субурутта. Хаһыс эрэ ытыытыгар тайахпыт
137