Page 316 - Былыр этэ диэххэ

лаппа таптарбыта билиннэ. Дьэкиимэппит сүүрэн кэлэн луокка-
ны ууга анньан, үһүөн булпутугар ыстаннардыбыт. Аныгы мотуор-
дар барахсаттар былыргы биихирдэр бааллара дуо — истигэннэрэ.
Тыын салҕаан, оҕуурдаан ылан ханна астыыры сүбэлэстибит. Арыы
анараа иэдэһинэн кумах истириэлкэлэр тахсан эрэллэрэ. Онон уу
түһүүтүн билэр дьон бу өттүн тутан сылдьабыт. Билбэт айан дьо-
но алҕас таарыйыахтарын сөп. Арыы кэтэх өттүнэн уҥуортан мас
аппа киирэрэ. Өрүс ууланнаҕына аппаны батан уу ыраахха диэри
тахсааччы. Аппа уута өрүһү кытта тэҥҥэ түстэр да төрдө уулаах
хаалааччы. Иһирдьэ киллэрдэххэ, ааһар айан дьоно ама таба та-
йаналлар үһүө диэн ол диэки состордубут. Дьон түбэһэ кэлиэ диэн
биир ыксал. Хайабытыгар да көҥүлэ суох сылдьабыт. Сиипсэп Саа-
са көҥүлгэ төлөөбүт этэ да, «Бултар» баччааҥҥа диэри билиэттэрэ
кэлэ илик аатыран түҥэтэ иликтэр. Тайах суруога буолта ыраатта.
Ону ол диэбэккэ, түбэстэххинэ — ыстараап...
Аппабыт уута хата балай эмэ иһирдьэ киирэр күөрэ сир эбит. Сы-
тыы быһахтаах киһини Дьэкиимэби булпутугар хаалларан, Сиипсэп
биһикки луоккабар төнүннүбүт. Бөһүөлэк сиргэ сылдьар дьоно мин
мотуорбун бары эндэппэккэ билэллэр. Онон луокканы харах баа-
йыыта оҥорбокко, мантан ыллахха сатанар. Биэрэккэ тахсан Сиип-
сэп чаанньыгын ылаары тиийбиппит, чаанньыкпыт ыраах түөрэ
түһэн сытар. Тайах дьаартан түһүүтүгэр өлүү болдьохтоох оллоону
тоҕо үктээн, чаанньык ыраах көтөн хаалбыт. Хата Дьэкиимэби итии
уунан ыспатах. Мин луоккабын сэтиилэнэн киһибитигэр тиийди-
бит. Бу сырыыга аны мин уот отуннум. Ол аайы тайах кэлбэтэ. Чэй
өрөн, аһаан-сиэн, уоту, Байанайы аһатан омоллоон олоҕун, дьэргэ-
стэй ыһыаҕын тардан кэбистибит. Мааҕы сэрэхэдийэн сибигинэһэн
эрэ кэпсэтэр дьон саҥабыт улааттар улаатан, хорҕо сирбит куула-
та дорҕоонноммута ыраатта. Дьэкиимэп кэпсээнинэн, тайаҕы ба-
тыаккаласпытынан Грапкинскай Юра икки ыта тахсан кэлэн биһи-
гиттэн толлон төннүбүттэр үһү. Грапкинскай дьэкигэ киирэригэр
ыттарын соруйан бу арыыга быраҕан куобахтатар идэлээх. Ыттара
хаамыы тайахха түбэһэн, тумуска үүрэн аҕаллахтара. Чэпчээбит
дьон мааҕы куттанан дук-дах туттарбыт суох. Мин сырдыгы өрүсүһэ
уруулум холбоһугун хаһыстым. Дьонум уоттарын эбии оттон, үтэ-
һэлээн күөстэнэн, бултарын этэҥҥэ астаан, холуочуйар холуочу-
йан, хараҥарыыта бөһүөлэкпитигэр төнүннүбүт. Уруулум гаастыыр
торуоһа сатамматар да кыра гааһынан син бөһүөлэги булларбыта.
138