Page 39 - Былыр этэ диэххэ

Сир иччитэ

өһүөлэк иһиттэн тахсыбакка бүкпүтүм иккис сылыгар,
сиргэ барар дьону олус ымсыыра көрөрбүттэн кэргэним
тыл кыбытта: «Ханна эмэ баран тыыҥҥын таһаарына
булка сылдьан кэлиэххин. Биһиги хайдах эмэ олороо инибит,
мин ыарыым муостуйан эрэр быһыылаах. Эйигин барда диэн
өлөн барар үһүбүөн», — диэн саҥарбытын уйбакка уоһа көҕөрө
өлөн, тыын быһаҕаһынан тыынна. Дьиэҕэ оҕонньор-эмээхсин
кинини хамнаппаттарын билэбин. Онон харах симэ барардыы са-
нанным. Күрүүҥкэ сылгыһыттара күһүҥҥү хараал кэнниттэн эт
харабылыгар киһиэхэ наадыйалларын истэн биир ыйга кэпсэт-
тим. Тоҕо ким да бара сорумматын уруккуттан сылдьыбыт си-
рим диэн суолта биэрбэтим. Бэйэм урут бастаан түспүт күөлгэ
сылгы сайылатаары ити эргини үөрэтэ, эргийэ сылдьан булбут
мыраҕатталаах күөлбэр бүөмҥэ илимнииргэ суон оттоох саҥар-
дыы таҥыллыбыт уоннаах үс илими ылынным. Сүүрбэччэ хап-
хааннаахпын. Доруоп саалаахпын. Онон биир ыйга сааранарбын
оҥостон тиийдим.
Сир киһитин сиэринэн, тиийээт аал уоппун, сирим иччилэ-
рин аһаттым. Суолтатыгар аҕалбыт аспыттан амсайаат сыттым.
Түһээтэхпинэ биир кырдьаҕас оҕонньор көрүстэ. «Сылдьыбыт
сиргин суохтаан кэлбитиҥ үчүгэй. Эн кэннигиттэн кэлиэхситтэр
алыс быртах быһыылананнар кэлэйэн ахан сылдьарбын хата эн
кэлэн санаабын сэргэхситтиҥ. Балыктыам диигин да ол дойдуҥ
уларыйан турар... Чэ, бэйэҥ билиэҥ. Өрүскэлэспэккин билэбин.
Санааҕын дэхсилиир гына сылдьыаҕыҥ», — диэтэ. Сарсыарда
уһукта сытан түүлбүн толкуйдаан, ыараҥнатан көрөн, барыта
көнөтүнэн, этэҥҥэ сылдьыыһыбын диэн бэйэбиттэн бэйэм сүр-
гэм көтөҕүлүннэ. Кэлэрбэр уолаттар бултаабыт астарын хайдах
көтөргө сиэппэт ньымаларын, албастарын сүбэлээннэр — ыстаа-
быллаах эти тула биидийэ магнитопуон лиэнтэтин харса суох тар-
тым. Кыра да салгыҥҥа тэлибирии, кылбачыйа турарыттан суор
түспэт үһү. Эбиитигэр, уруккулуу, сылгы өлөрөөччүлэр ыйаабыт
суордарын көстүүлээх соҕустук сөргүтэ ыйаталаатым. Ыстаабыл-
тан ыстаабылга куота көтөр биир тыһы кырынаас буулаабыта
ырааппыт. Титириги суллаан ураҕас оҥостон сууралаан, ыстаа-
37