Page 40 - Былыр этэ диэххэ

былтан ыстаабылга күнү быһа эккирэтэ сылдьан күрэтэн, хор-
доҕос сыгынаҕар түһэрдим. Мэҥиэ куһум түүтүнэн хапкааммын
сабан, убаһа хаһатын кыһан мэҥиэлээтим. Сарсыныгар түөкүнү
үктэттим. Ол кэннэ күһүн бөрөлөр тардыбыт убаһаларын сэмэ
ханна баарын ыйдарбыппынан, Сайылык уҥуор буранынан ба­
ран төрүөт ууруннум. Бөрө суола сүппүт. Сэмҥэ кырса, сиэгэн
кэлэн бараллар эбит. Дьаатынан биир бөрөнү өлөрөллөрүн кыт-
та, бөрөлөрө сүтэн хаалтар үһү. Мыраҕатталаах көлүйэлэрим
силбэһэр билиилэригэр мин илимнэрим сөрү-сөп сытар хоойдоох
этэ. Кырыыттан уутун кээмэйдээн көрөн, арыый кырыыбалыы,
быластыы үс илиммин түһэрдим. Күһүҥҥү муус чарааһа ааттаах
үчүгэй. Ортоку ойбоммун анаан хаартылыы тоҥорон аҕалбыт
убаһам тириитинэн сабан, хаарынан хайыҥнаан оҥорон кэллим.
Тимир оһоҕум аанын аспытым, кыымнаах сытар. Оһохпун кытта
киһилии кэпсэтэ-кэпсэтэ, этэҥҥэ көрсүбүтүгэр махтана тыын-
наан биэрдим. Уотум барахсан көхсө тыаһаан тиҥинээбитинэн
барда. Сарсыныгар эмиэ эттээх маһынан хаалаан этэҥҥэ тур
диэн сабан оҥорон бардым. Кэлиибэр эмиэ кыымнаах көрүстэ.
Ити курдук күн ахсын дьиэлээх киһи көрсөрүн курдук кыымнаах
көрсөрүттэн сир киһитигэр үөрүү суох. Сороҕор табыллыбакка
эҥин уһаан да кэллэхпинэ, маһын эспэккэ кыымнаах көрсөрө,
кэлин санаатахха, дьикти да эбит. Биир саһаҕаны бараабакка бэ-
лэм хаппыт маскын хаалаатаргын эрэ, оһоҕуҥ тигинии түһэр.
Илимим кырыы ойбонноругар эмиэ убаһа тириитинэн сабыы
оҥортоотум. Бэйэм бэйэбэр ырыа-тойук тардан ааттаах үчү-
гэйдик олордум. Араадьыйалаахпын. Илимим кураанах сыппат,
кыра-кыралаан бултуубун. Эмис мыраҕаттатыттан өлүүлүүрүн
сирбэппин. Хапкааным төрүөтүттэн икки кырсаны, хас да кы-
рынааһы, биир кииһи ыллым. Биир каадыга сиэгэн баара кэн-
нибиттэн суолбун бата сылдьар. Төрүөтүм аһын сүгүн сытыар-
бакка эрэйдээтэ. Син киһитэ өттүм, биирдэ кини да буоллар
алҕаһатан киирэн биэрбит. Кырдьаҕас, тирии өҥ халыҥаан кы-
лаан да бараммыт баҕайыта түбэстэ. Таах сытыахтааҕар имитиэх
санаалааҕым, бирээмэ оҕус тириитин курдук имиигэ бэриммэт
эбит. Өсөһүм баарына сымнаттым эрэ — хорчоххой, дор курдуга
көбөн иһэр. Биирдэ илиммэр тиийбитим, кырыы чорооҕум өрө
хоройон тахсан тоҥмут. Убаһа тириитэ сабыыбын көмүү хаарда-
ры баҕастары тиэрэ анньан таһаарбыт. Кэннибиттэн тута кэлэн
38