Page 43 - Былыр этэ диэххэ

Ойууттар күрэстэһиилэрэ

ттоох Атах бастакы түстэҕин утаа билиҥҥи Дьооскуга
түөртүү кыбартыыралаах дьиэлэр тутуллан дьэндэһэн,
киһи эрэ олохсуйуох тупсубута. Кулууп, маҕаһыын арыл-
лар. Маҕаһыыҥҥа боктуура сэбиэдиссэйинэн Кэрээкин Хабы-
рылла, кулууп сэбиэдиссэйинэн кэргэнэ — айылҕаттан артыыс,
ырыаһыт — Өкүлүүнэ үлэлэрин саҕалыыллар. Улуус бары то-
йоно-хотуна тиэстэр Дьооскуга биир баар-суох «мааны» ыалла-
рынан ааҕыллаллар.
Бу курдук күннээн-күөнэхтээн олордохторуна, эмиэ хоноһо
бөҕө хоно сыттаҕына, Тарбаммат оҕонньор таһынааҕы дьиэтигэр
тахсыбакка хоноору ачыаһырбыт. Дьиэлээх хаһаайка — Өкүлүүнэ:
«Бу оҕонньор даҕаны... ыл бар, дьиэҕэр таҕыс», — диэн холдьох-
субут. Оҕонньор иннин биэрэр аата суох, тахсымаары хахайдаһан
турбут. Өкүлүүнэ кыһыйан, туох да эппиэтэ суох саҕатыттан
ылан тарапачыппыт. «Бу да дьахтар, хотуой, мин да хоннохпу-
на тугуй, биир киһи хонон турар сирэ баранна дуо?..» «Итирэ-
итирэ биһигини хонор сир оҥостоору гыммыккын дии, ыл бар,
киэр буол!» — диэн бүтэһиктээхтик холдьохсубут. Дьэ, итини эрэ
кэтэһэн ньаамыргыы турбут бэйэтэ кыраан таныйбыт: «Хотуой,
кэнэҕэс мин курдук иһээччи буолаар... Мин курдук хонор сир
көрдөһөр, ыт үрбэт, ынах маҥыраабат, кэрэгэй олохтоноор».
Сааһыары хас хоноһону, ыалдьыты көрсүһүүгэ иһиэн баҕалаах
киһи Хабырылла туттуммакка арыгытын иһэн кэбиһэр. Араста-
раатаҕа түбэһэн үлэтиттэн тохтотоллор. Буута-быһаана суох бар-
даҕа ол. Саас Сордоҥнооҕу тыынан итирик туораан иһэн ууга
түһэн өлөр. Өкүлүүнэ элбэх оҕолоох огдообо хаалан, кырыыс
тыла тиийдэҕэ, иһээччи ааттаммыта. Итирик сылдьан түбэһиэх
киһини кытта сылдьыһан төрүт да буорайбыта. Оҕолорун интэ-
ринээтинэн, ийэлээх аҕатынан сырытыннаран киһилии ииппэ-
тэҕэ. Дьэ итини этиэххэ сөп: тыл кырыыһа киһини самнарар
диэн. Тарбамматы дьон истэр тухары бары сиэмэх ойуун диэн
ааттыылларын биир биллэр холобура ити түбэлтэни этиэххэ сөп.
Мин бастаан бу дойдуга кэлэн Навалом Кешаны кытта табаа-
рыстаһан үргүлдьү Ньукулайы кытта булсубутум. Кеша оччолор-
го оҕонньордоох эмээхсиҥҥэ күндү күтүөт, көҥүл тыынар. Омос
41