Page 93 - Былыр этэ диэххэ

үөрдэрэ көҕүрээбитэ биллибэт курдук. Күөл эйгэтин синньигэс,
эргэ сыһыытын үксүн талах былдьаабыт, өртөммөтөҕө саҥа тах-
са сатыыр оту сэтиэнэх былдьаан ситэ үүннэрбэт. Саҥа сир ку-
маҕынан көрө сытар. Маннык дэрэспэ кумахтаах күөл дьаратыгар
мыраҕатта ыыр дииллэрин, бу сир өтөхтөрүн онно кэрэһилиир
дии саныырым күүһүрэр. Түспүт сир уутун кырыытыттан дьэбин
дьүөрэ диэн дойду дьоно билбэт үүнээйибит өрө үүнэн тахсы-
быта түргэнэ. Ынах да, сылгы да сиэбэт эрбэһинниги, ситтэҕинэ
улахан киһини балтараатын саҕа уһуур көҥдөй умнастаах, бас-
таан төрдө тахса сатаабыта көҕөрөн-наҕаран сүрдээх. Ону дьиэ-
тин таһыгар тахсан туран Пароста: «Бу буоллаҕа салыгыныар,
айаҕынан аһыыр уойбакка ханна барыай», — диэн билээҕим-
сийэр. Бэрт сири булбут киһи астынан ахан, төттөрү дьиэ иһин
былдьаһар. Кырдьык даҕаны, бастаан быктаҕына үүт-үкчү салы-
гыныар курдук эбит. Үгүс түспүт күөлгэ аан бастаан салыгыныар
анньар аналлааҕынан биһиги киһибитин хараҕын баайдаҕа. Быһа
сэрэйэн, ыраахтан быһаара сатаабакка эрэ тылластаҕа. Кырдьаҕас
сылгыһыппыт Начаала Дьөгүөссэ хас сири көрөн мөккүһүөй,
саҥарбат. Мин сиргэ сылдьар киһи көрдөхпүнэ сылгылар наар
эргэ сыһыы кур лампатын аннын хаһар курдуктар. Онон Па-
ростаны кытта сөпсөһүмээри гынабын. «Нохоо, эн наар сыаны
сиэҥ дуо? Алыс сыалааҕы сиэннэр сүрэхтэрин сөрүүкэтэ хардаҥ
оту кирэн эрдэхтэрэ». Пароста быһаарыыта сатаммытыттан хон-
тос гынар. Бэйэтэ биирдэ сиргэ баран сылгыларын эргийэн көрө
илик. Хата биир эмит сылгы үөрэ бырдахтаан бэйэлэринэн ки-
ниэхэ көстөн ааһаллар. Арааһа, түптэ оҥоттороору элэҥнэһэллэр
быһыылаах. Бастакыттан дымовой сааска диэни ылан кэлбиппи-
тин боруобалаатыбыт. Сыта барыга бары иҥэн хаалар, киһи бэ-
йэтин уораҕайыгар туттубат тэрилэ эбит. Ыраахха диэри бырдаҕы
суох гынан сылгы бырдахтан уоскуйаары тиэстэрэ үксээтэ.
Олорор дьиэбититтэн сэттэ хас биэрэстэ курдук арҕаа, Таа-
лалаах диэн тулата өтөх сирдээх, дьирбии сыһыы туомун та­
лах былдьаабыт былыргы сири буллум. Сайылыкка түһэр сиэнэ
сүүрдүбэтэҕэ ырааппыт. Сиһин үрдүгэр уонча сыллааҕы тутуу,
геодезистэр сэнэх көрүҥнээх быыскалара турар. Бастаан тоҕус
сэрэҕинэн тахса сылдьыбытым. Онтон кэлин эрдийэн кэл-
лэҕим ахсын тахсабын. Бүнүөкүлүнэн тулабын кэтээн көрөбүн,
сөрүүкүүбүн. Уҥуоргу өттө ычыктаах, халыҥ сис тумса анньар.
91