Page 91 - Былыр этэ диэххэ

Пароста

аҥа түспүт күөлгэ аан бастаан сылгы сайылата биир би-
ригээдэ кэлэн «сытабыт». Дьөгүөрэп Ньукулай, Слепцов
Дьөгүөр, Слепцов Ньукулай уонна мин. Абыйга Слеп­
цов диэн араспаанньалаах дэлэйиттэн Ньукулай ойох ылаат, Дьө-
гүөрэп буолбут. Оттон биир Ньукулай кыра эрдэҕиттэн Куолча
диэн таптал ааттаах. Дьиҥэр Куолчалар да элбэхтэр. Дьөгүөр На-
чаала диэн тылыттан норуодунай ааттаах. Дьөгүөрэби саастыы-
лаахтара хонтоҥнууруттан Хонто диэн ааттыыллар. Набаалам
Киэсэни үтүктэн, дэлэмсийэн Пароста диэн тыллаһарыттан кэ­
лин Пароста ааттаммыта. Оттон иһэн итирдэҕинэ дьоолууруттан,
сылгыга сылдьар дьон биһиги Дьоруодай диирбит. Дьоруо диэн
дьиҥинэ ахсым ат. Оттон бу кэпсээҥҥэ дьоолоон бүппүтэ, онон
Паростатынан барара ордук.
Сайылык кырдалын саамай бастыҥ ньууругар сылгыһыттар-
га диэн анаан көһөрүллэн аҕалыллыбыт дьиэлээхпит. Биһигит-
тэн балтараа биэрэстэ Күрүүҥкэ эбэ. Аллараа сиэнин төрдүгэр
охоттар аныгылыы типтээх иэгэр дьиэтин туппуттара сандаарар.
Иэгэринэн Сорокоумов Баһылай Бөдүөтэбис үһүс сылын үлэ-
лиир. Элбэх дьонноох сиргэ биһиэхэ эҥээрдэстэ. Сылгыны кил-
лэрэ эрэ түһээт, аара Күрүүҥкэ көлүйэтигэр куска олорбуппут.
Сайынын сиир куспутун бултаан иэгэр булууһар түһэрбиппит.
Пароста дэлэй астаах дьон аһыы-аһыы сытар дьаллыктанныбыт.
Начаала тулуйбакка-тэһийбэккэ илимниир үлэ булунна. Куолча
икки Пароста икки дьэ хайабыт уһуннук сытар диэбиттии, наа-
даларыгар эрэ таһырдьа быгаллар. Биир тыраахтар сыарҕата мас
түспүтүн бары көмөлөөн дуруусбанан эрбээн, хайытан кэбиһэм-
мит үлэ суох. Үлэҕэ үөрэхтээх эдэр киһи, мин, буорайыыһыбын.
Сылгыны көрө, сири-дойдуну үөрэтэ диэн сатыы күнүн ахсын
кэрийэн сааранным. Дьукаахпыт саҥа дьиэтин кырааскаланара,
оҥосторо элбэх. Хонугар эрэ кэлэр.
Күн ахсын арааһы бары көрөн, сарсын аны онно барыам диэн
бэйэм бэйэбиттэн тэттэн, сылдьар ыырым кэҥээн истэ. Ол ах-
сын дьонум сэҥээрэн ыаһыйалыылларыттан эрдийэбин. Биһи-
гиттэн ырааҕа суох, Сайылык эйгэтигэр киирсэр алыы иһигэр
мууһунан көрө сытар көлүйэлэртэн улаханын таһыгар синньигэс
89