Page 120 - До5ордуулар суруйсуулара

паразиттары үөскэтэр, ону суох гынарга бааһынай, үлэһит
интеллигенция политиката наада эбит.
Эһиэхэ бары үчүгэйи баҕарабын, Миитэрэй. 16.05.95 с.

-39-
Ньукулай, дорообо!
Доҕоор, Надя (Гаврильева Надежда Иннокентьевна, мин
аймаҕым. — Н.К.)Уһун Күөлтэн эн ыалдьыбытыҥ туһунан
кэпсээн соһутта. Таняны кытта телефонунан кэпсэтэн арыый
«һуу» гынан олоробун. Ааҕар, суруйар кыахтаах үһүгүн. Онон
сурукта суруйа сыт...
Үчүгэйи баҕара хаалабын, Миитэрэй. 2.06.99 с.

-40-
Ньукулай, дорообо!
Президеммит элбэх арыалдьыттардаах кэлэн барда, ол иһигэр
тыа хаһаайыст>1батын министра, энергетикаттан, тутууттан
бааллар. Бастаан министрдэр 4-5 киһи тыл эттэ. Онтон
Бороҕоннортон 11 киһи этибит. Мин үс боппуруоска президени
кытта сөбүлэһэрбин эттим, үрдүк үөрэҕи киэҥник тэрийиигэ,
«ыал экономикатын» сайыннарыы сөптөөҕөр уонна чөл олох
политикатыгар. Президент түмүк тылыгар биһиги республикаҕа
33 миэстэ үһүбүт. Производствоҕа 25 тыһыынча киһи үлэлиир,
5 тыһыынча пенсионердааххыт диэтэ. Производствоҕа үлэни
күүһүрдүҥ, үрдүк техниканы баһылааҥ диэтэ.
Кулун тутар 8 күнүнэн Татьяна Васильевнаны, кыртыттары,
сиэннэри, барытытын итиитик эҕэрдэлиибит!
Миитэрэй. 4.03.2000 с.

-41-
Ньукулай, дорообо! Суругуҥ, открыткаҥ иһин улахан
баһыыба!..
Дойду балаһыанньата уустук да, паникалыахха сатаммат.
Бэйэни бэйэ дьаһаныытын ньыматын тобулуохха.