Page 118 - До5ордуулар суруйсуулара

биэриэй. Көрөн кэбис, социалистическай хаһаайыстыбаны
моҥкуруутгатар ельцинскэй бэлиитикэни. Ити аата мастерскойа,
техниката суох оҥоруу, былыргы таһымҥа төттөрү быраҕыы. Ити
аата оҥорон таһаарыыны мунугуурдук аҕыйатыы, тыа
хаһаайыстыбатын конкуренциялаһар кыаҕа суох оҥоруу. Тоҕо
сатамматый совхозтар нолуоктарын аччатан 15-20% оҥорон,
техниканы мунугуурдук туһанан үлэ оҥорумтуотун лаппа үрдэтии.
Харчыны хайдах дьаабылаатылар. Хамнаһы, пенсияны
үрдэппитэ буолан бараннар, харчы курсун хайдах курдук
намтаттылар. Ити баар норуоту утары бэлиитикэ! Норуот
өстөөхтөрө эрэ итинник дьаһайыахтарын сөп.
Сонунна суруй, Миитэрэй. 13.10.94 с.

-37-
Ньукулай, дорообо!
Чааһынай бас билли — намыһах сайдыы бэлиэтэ. Тус бэйэ
(личнэй) бас билиитэ баар буолуон сөп, баар даҕаны. Оттон
фабриканы, собуоту, тракторы, о.д.а. бас билли баар буолуута —
байымсыйыы. Биир киһиэхэ барыта баар буолуута — уон, сүүс,
тыһыынча киһи туга да суох буолуута. Колхоз, совхоз —
хаһаайын суох буолуута диэн перестройка саҕана куолулааһын
баара. Оттон маҥнайгы колхозтар тэриллиилэрин саҕана куул
баайыытын кытта харыстыыллара. Оччотооҕуга уопсай бас
билиини харах харатын курдук харыстыахха диэн луоһун баара.
Итинник өйү-санааны хрущевецтар, брежневецтэр, горбачевщина
мэлиппиттэрин көрө-билэ сылдьабыт. Норуоту ханнык өйгө-санааҕа
иитии улахан оруоллаах. Социалистическай өй-санаа дириҥник
киириэҕин империалистар сабыдыалларынан ревизионизм мэлиттэ.
Сиргэ чааһынай бас билии — киһи киһини көлөһүннээһинин
күөдьүтээһин, саха нация быһыытынан суох буолуутугар ааны
аһыы. Саха сиригэр сүүһүнэн триллион доллардаах баай кистэнэ
сытар, ону кэлэн ылыҥ, байыҥ-тайыҥ диэн аан дойду
соллоҥноохторун иҥсэлэрин көбүттүлэр. Бу кэлин көммөтөҕүнэ,
сахаларга, эбээннэргэ, эбэҥкилэргэ, юкагирдарга кырыыс буолуо.