Page 117 - До5ордуулар суруйсуулара

Мэҥнээх Мэхээлэ диктатор буолар сокуона билигин
дьүүллэһиигэ сылдьар. Уонна Сталин диктатор диэхтэрэ...
Бары үтүөнү баҕарабын, Миитэрэй. 21.11.88 с.

-34-
Ньукулай, дорообо!..
Бэҕэһээ Сыырдаахха лекция оҥорон киирдим. Телевизорга
көрбүттэр. Араастаан өйдөөһүн баар. Буккуллуу кэмэ буоллаҕа.
Боппуруоһу ыйыталлар. Биир киһи мин этэрбин сүрэхпинэн
сөбүлүүбүн диир, ол гынан баран билиҥҥи партия линиятыгар
утары диир. Ону мин билиҥҥи линия сыыһа буолара тоҕо
сатамматый, урукку сыыһа буолбут буоллаҕына диибин.
Гитлердэр кэлэллэр да бараллар, отгон Германия хаалар
диэбиттэрэ, ол курдук Горбачевтар кэлиэхтэрин-барыахтарын сөп,
отгон Сэбиэскэй былаас хаалыа буоллаҕа диибин...
Бары үчүгэйи баҕара хаалабын, Миитэрэй. 1.11.89 с.

-35-
Ньукулай, дорообо! Маладьыас, «Кыымҥа» наадалаах
ыстатыйаны суруйбуккун. 50-с сыллар ортолоруттан бэттэх
хайдах өстөөхтуү үлэни Москва салалтата ыыппытын саралыахха
наада. Ученайдар ити боппуруоһу үчүгэйдик, дириҥник хорутан
ыччакка быһаараргыт наада. История хара мэҥэ үөскээтэ,
историяны токуруттулар, империалистическай политиканы ыытан
эрэллэр. Национал-шовинизм куттала чахчы буолан эрэр.
Ельцин кинигэтин аахтыҥ дуо? Шовинист, реакционер эбит.
Эмиэ социализмы түрмэ түннүгүнэн көрөр.
Бары үчүгэйи кытта Миитэрэй. 10.11.90 с.

-36-
Ньукулай, дорообо!
Тулуна, Бартыһаан Заболоцкай аатынан совхоз ыһылынна,
«бааһынайдыы» бардылар. Совхоз буоллахтарына, нолуок 50%
үһү, бааһынай буоллахтарына - 18%. Ким көлөһүнүн босхо 32%