Page 116 - До5ордуулар суруйсуулара

суола. Капитализм өлөр бэлиэтин көрдөрөр. Оттон биһиэхэ хантан
кэллэ? Сайдыыбыт сыыһата, материальнай интэриэһи күөттээһин,
сэриинэн куттааһын түмүгэ дии саныыбын. Эн итини туох диигин?
Олоххо эрэмньилээх буолууну, өлөн-охтон биэрбэккэ хата
буусса өрөйөн-чөрөйөн биэриини иитии саамай кылаабынай
сорук буолуохтаах.
«Барымаҥ даа, кубалар» диэни аахтыҥ дуо? Араас
проблеманы көтөҕөр роман суруллубут. Холобур, урукку кулаах
ыамата оскуола директора буолан баран тыл этэрэ баар,
кыһыллааҕар ордук кыһыл буолан туран. Оо, төһө эрэ итинник
«кыһыллар» былааһы ылбыт кэннэ олордулар буолла?
В.Сухомлинскай ыстатыйата олус дириҥ. Биһигинньиктэргэ
тиийэ охсубат диэххэ сөп. Ити ыстатыйаны тылбаастаабат
буолуохтара эбээт. Мин маннааҕы хаһыакка итиннээҕэр быдан
кыра ыстатыйаны таһаарыҥ диэбиппин таһаарбатылар...
Таняҕа привет! Бары үчүгэйи кытта Миитэрэй. 19-20.09.85 с.

-33-
Ньукулай, дорообо! Уоллаах кыыс курдук суруйсарбыт
сойоругар тиийдэ быһыылаах. Иккилии сурукка биир харданы
ылар буоллахха сойор.
Мин билигин бара турар сүгүлээни олох сөбүлээбэппин. Бары
контрреволюционердар ыамалара үөмэхтэһэн эрэллэр.
Ревизионистар социализмы туппатахпыт туһунан дойҕохтууллар.
Ол иһигэр эн эмиэ ытаһа буоллаҕын... Контрреволюционнай
заговор атыыламмыт интеллигенцияны кытта куомуннаһан былааһы
ылла. Үлэһит норуоту саба баттаары ис сэриилэри тэрийдилэр.
Сталин социализм кыайан истэҕин аайы өстөөхтөр
утарыылара күүһүрэн иһэр диэн сыыһа теорияны аста дииллэр.
Оттон сэбиэскэй былаас 71 сылыгар кими утары ис сэриини
тэрийдилэр? Ким өстөөҕүй? Норуот дуо? Сталин сэбиэскэй
киһини винтиккэ тэҥнээбитэ дииллэр. Итинтэн ордук улахан
сыананы хайдах биэриэххэ сөбүй? Ханнык механизм наадалаах
винтигэ суох үлэлиир үһү?

114