Page 65 - Они защищали Ленинград

Д Ж А М Б У Л ХОҺООНО
“Ленинградтар — оҕолорум!!!
Кытаанаҕын биллэримэҥ.
Киһи аатын сүтэрбит
Киибэстэри киллэримэҥ!
Джигиттэр — боотурдар!
Дьиктилэри көрдөрүҥ.
Харса суох кыдыйыҥ
Хаанымсах үөрдэрин!
Ленинградтар — оҕолорум!!!”
Азия анаан ыыппыт
Алгыһыныы иһиллибитэ.
Дуомбура доҕуһуоллаах,
Дойду куйаар тыалыныы
Куугунаан тиийбитэ,
Истиэп көҥүл тыыныныы
Итиинэн илгийбитэ:
Землянкаҕа киирбитэ,
Окуопанан сүүрбүтэ,
Санаабытын күүрпүтэ,
Сүрэхпитин эрчимирдэр
Сүүмэх кыымы күөдьүппүтэ,
Улуу күүһү түлүннэрэр
“Ураа!” буолан ньиргийбитэ.
2003 с.

ЭМИЭ ДА УЛУУ, ЭМИЭ ДА ЫНЫРЫК
(Главнокомандующай туһунан саллаат санаата)

Улуулар оннуктар.
Уратылар, уустуктар.
Талыыттан талыылар
Таҥыллан тахсыбыттар,
Үрдүк айыы бэлэҕэ —
Үтүөтэ, үлүгэрэ
Күннээх ыйдыы көстүбүтэ
Күлүмүрдүү, күлүгүрэ.
Кири-хаҕы сыһыарбат
Килбиэн аатын ыллыырбыт,
Киҥир-хаҥыр саҥарса
Кирик-хорук туттарбыт.
Оҥорбута үтүмэн
Арассыыйа туһугар.
Олус наһаа үөҕүмэҥ,
Омнуоланыа уһугар.
Ымаҥнаһа ыыстыыллар,
Ыас гынан ыстыыллар
Биэбэйдэммит бэдиктэр —
Билиҥҥи бүрүкүрээттэр.
Үөмэн тиийбэт үтүөлээх.

- 61 -