Page 100 - Аржаков Степан Степан

айхаллаан, кини ордуктарын "дакаастаан" тахсыбыттара.
Оттон Степан Степанович саҥа тэрээһини сөбүлүүрүн да,
сөбүлээбэтин да киһи дэбигис өйдөөбөт гына этэ түһэн ба-
ран: "Сөптөөх сүбэ буолла, оттооһун бу кэллэ. Тэрээһин-
нээхтик киирэ охсуоҕуҥ, сайыҥҥы быйаҥы муҥутуурдук
сом-суоҕуҥ", — диэн ис хоһоонноохтук эппитэ. Атыттар да
кини саҥа тэрээһини уруйдаабатаҕын-айхаллаабатаҕын
бэлиэтии истибиттэр этэ. Кэлин билбиппит, киһибит ол
саҥа управлениеҕа партком секретарынан оҥороору гым-
мыттарын: "Сатаан салаллыбат, иитэ-саҕата биллибэт
управлениены тэрийэҕит", — диэн кыккыраччы аккаастанан,
мөҕүллэ сылдьар кэмэ эбит этэ.
Степан Степанович араас уустук кэмнэргэ партия
баһылыыр-көһүлүүр оруолун үрдүктүк тутан, онон салайта-
ран үлэлээбитэ. Ол Илин Эҥэри бүтүннүүтүн "түмпүт" уп-
равлениебыт ити сыл бүтүүтэ ыһыллыбыта. Аны оройуонна-
ры бөдөҥсүтүү, уларытыы-тэлэритии "тииһигэ" киирбитэ.
Нам уонна Уус Алдан оройуон буолан уурайбыттара. Нам сэ-
лиэн-ньэтигэр кииннэнэн Орто Лена производственнай уп-
равлениета үөскэтиллибитэ. Партия райкомнарын оннугар
управление партийнай комитета тэриллибитэ. Партком
бастакы секретарынан С.С. Аржаков быыбардаммыта. Ити
1963 сыллаах тохсунньу ый этэ.
Саас окко киириэх иннинэ Намҥа мунньахха тиийбиппит,
управление уонна партком салайааччылара үлэ стилигэр
уопсай тылы булбакка олороллоро. Управление начаа-
лынньыга букатын эдэр киһи, управление салалтата үрдүкү
туруохтаах диэн салалтаҕа ыарахаттары үөскэппит этэ.
Степан Степанович мөккүөр дириҥээн үлэни-хамнаһы
атахтаары гыммытыттан партком бюротун мунньаҕар са-
лалта стилин туһунан боппуруоһу киллэрбитэ. Бюро чилиэн-
нэрэ, үксүлэрэ кырдьаҕас партийнай үлэһиттэр, Степан
Степановиһы өйөөн, партия салайбыта, салайар уонна са-
лайыа даҕаны диэн мас-таас курдук этэн кэбиспиттэрэ.
Онон биһиги производственнай управлениебытыгар партия
салайар оруола, быстах да кэмҥэ намтатылла сылдьыба-
таҕа.
Кырдьыгы тиһэҕэр тиэрдэргэ, сөп диэбитин сүһүөҕэр ту-
руорарга Степан Степановиһы олох кытаанах кыһата үөрэп-
питэ. Олоҕун суолугар көрсүбүт үтүө дьон такайбыттара.