Page 103 - Аржаков Степан Степан

лаҕа баран үөрэнэн кэлбитэ уонна 1975 сыл от ыйыгар
диэри үлэлээбитэ.
Билигин сорохтор улугуруу кэмигэр ким да тугу да үлэ-
лээбэккэ олорбутун курдук көрдөрө сатыыллар. Дьиҥэр,
оннук буолбатах этэ. Улугурууну билиммэтэх коммунистар,
салайааччылар бааллара. Степан Степанович кинилэртэн
биирдэстэрэ. Хаһан да, ханна да үлэлээбитин иһин бэйэтэ
да утуйбатах, дьону да утуппатах салайааччы. Ону мин уон-
тан тахса сыл: бастаан колхоз председателинэн, кэлин
оройуоннааҕы хаһыат редакторынан, райком бюротун чили-
энинэн бииргэ үлэлээн үчүгэйдик билэбин. Кини үлэтин
стилэ: эрдэттэн былааннааһын, ол олоххо киириитин тэ-
рийии уонна кытаанахтык ирдээһин, хонтуруоллааһын. Ол
туһунан "Кыым" 1971 сыл бэс ыйын саҥатынааҕы үс нүөмэ-
ригэр субуруччу "Салалта күүһэ" диэн ыстатыйаҕа бастыҥ
уопут быһыытынан сиһилии, итэҕэтиилээхтик суруллан ту-
рар. Салалта итинник стилэ өрүутүн түмүктэрдээх буолаач-
чы.
Уус Алдан оройуонун хаһаайыстыбатын сүрүн салаата —
сүөһү иитиитэ. Итиниэхэ көрдөрүүлэр С.С. Аржаков үлэлээ-
бит кэмигэр -— 10 сыл устата сыыйа өрө көтөҕүллүбүттэр.
Холобур, 1965 сыл түмүктэрин 9-с пятилетка (1971-1975)
сылларын орто көрдөрүүлэрин кытта тэҥнээтэххэ ол чуол-
кайдык көстөр: ынах сүөһү ахсаана — 114,7, ыанар ынах —
121, сылгы ахсаана — 161 бырыһыан элбээбит. Ол түмүгэр
үүтү валовой ыаһын — 127,7, эти оҥоруу — 186, үүтү госу-
дарствоҕа атыылааһын — 127,5, эти туттарыы — 218 бы-
рыһыан, хортуоппуйу атыылааһын — 5,5 төгүл, оҕуруот аһын
атыылааһын 3 төгүл үрдээбиттэр.
Степан Степанович 1975 сыл от ыйыттан Саха АССР ма-
териальнай-техническэй хааччыйыыга Государственнай ко-
митетын председателинэн үлэлии сылдьар. Бу предриятие
олус бөдөҥүн, киэҥ эйгэлээх үлэлээҕин маннык чахчылар
көрдөрөллөр. Комитет дойду бары союзнай республикала-
рыгар баар 2100 кэриҥэ заводтан, фабрикаттан сылга 100
мөлүйүөн кэриҥэ суумалаах араас матырыйаалы, сырьену
сакаастаан аҕалтаран республика норуотун хаһаайыстыба-
тыгар түҥэтэр. Ону таһынан республика бюджетнай тэрил-
тэлэрин саҥа тутууларын оборудованиенан хааччыйар.
Холобура, аҥардас ааспыт сыллаахха республика 247