Page 99 - Аржаков Степан Степан

Аржаковы кытта аан бастаан, 1948 сыллаахха, кыһын итин-
ник билсибитим. Уолаттар хаһыакка тугу эмэ суруйан "ха-
рах таһаарынаары" кэлбиттэр этэ. Оччотооҕу студеннарга
солкуобай да улаханҥа турара.
Уон үс сыл буолан баран Степан Степановиһы иккиһин,
1962 сыллаах саас көрбүтүм, үйэлээх-сааһым саамай дар-
бааннаах мунньаҕар сылдьан уонна аҕыйах сыл иһинэн
киһи уларыйарын, тупсарын, үүнэрин сөҕө санаабыппын
өйдүүбүн.
Оччолорго тыа хаһаайыстыбатын уонна промышленноһы
араастаан уларытан тэрийии үгэннээн турар кэмэ этэ. Кол-
хозтары бөдөҥсүтүү бүппүтэ. Аны ити кыһын илин эҥэр тыа
хаһаайыстыбаннай уонна промышленнай оройуоннары хол-
боон, Майа сэлиэнньэтигэр кииннээн, туох эрэ диэн бэрт
уһун ааттаах управлениены тэрийэ сылдьыбыттара, тыа
хаһаайыстыбатын уонна промышленность сайдыытын
дьүөрэлиибит, салаллыыларын биир кииннээн диэн ааттаан.
Ити саас, ыһыахтыыр кэм саҕана, биһиги Уус Алдан
бөдөҥсүтүллэн төрдүөйэх буолбут колхоһун уонна оройуо-
нун салайааччылара биир таһаҕас массыынатыгар тиэллэн
саҥа кииммитигэр — Майаҕа астаран тиийбиппит. Икки-үс
күнү быһа мунньахтаан ньиргиппиппит. Промышленнай
оройуоннарбыт салайааччылара Дьокуускайга диэри ула-
хан самолеттарынан кэлэн баран, Майаҕа АН-2 самолету-
пан собуостаммыттар. "Дьэ, кыаҕырарбыт буолуо", — диэч-
чилэр элбэх этилэр. Мунньах да оннук ис хоһоонноохтук
барбыта. "Ыллыкпытын дьэ буллубут...", "Сайдыы суолун
дьэ туттубут...” , "Промышленностаах тыа хаһаайыстыбатын
салалталара биир өйүнэн-санаанан үлэлээтэхтэринэ тугу
тулутуохпутуй?" диэн буолта.
ССКП Мэҥэ Хаҥаластааҕы райкомун бастакы секретара
С.С. Аржаков мунньах бүтүүтүн диэки тыл эппитэ. Көбүс-
көнө үрдүк уҥуохтаах, долгуннаах чох хара баттахтаах,
кыһыл көмүс ачыкылаах, мааны сырдык көстүүмнээх эдэр-
кээн киһи, сүһүөҕүн үрдүгэр өрө мөҕөн, этэ-тыына турара
бу баарга дылы. Баҕар, кинини ити мунньахха көрбүппүн
умнуом эбитэ буолуо, атын тыл эппиттэртэн билигин кими
да өйдөөбөтүм курдук. Ону баара кини этиитэ атыттартан
уратылаах буолан тахсыбыта.
Үгүс тыл этээччилэр наар саҥа управлениены уруйдаан-