Page 98 - Аржаков Степан Степан

муҥа, дэбигис оҕо уу ньулдьаҕай санна уйбат, хос баттыгас
буолбута. Мин кинини аан бастаан көрсүүбэр ол ыар бат-
тык өссө да сүгэһэр буола сылдьара.
Тымныы муҥутаан турара. Бэл оччотооҕу массыына
аҕыйаҕар куорат уулуссаларын уҥуоргута көстүбэт тумана
буолара. Биир оннук тымныы күн үлэлии олорор хоспор ик-
ки уһун синньигэс уол батыаккалаһан киирбиттэрэ.
Оччолорго Киров уулуссатын 13-с нүөмэригэр "Кыым”
хаһыат редакциятын дьоҕус мас дьиэтэ баара. Ол дьиэҕэ
мин кыһын истээх соммун устубуппун өйдөөбөппүн, оннук
тымныыта. Ол да буоллар, уолаттар дьиэҕэ киирбит дьон
быһыытынан, тэлэгэриэйкэлэрин нэлэккэйдэммит, бэр-
гэһэлэрин сэгэччи анньыммыт этилэр. Арыый намыһаҕа
уонна сэнэх таҥастааҕа харса суох утары хааман кэлэн ос-
туол уҥуор илиитин кудуччу аспыта: "Мин Баанньа Хо-
лоһуонньукаппын, били сэрии иннинэ, куоракка үөрэнэ сы-
рыттаххына, эн дьоҥҥор олорон тэтэрээт, харандаас
көрдөөн суруйар уолаттартан биирдэстэрэбин. Институкка
бастакы кууруска үөрэнэ сылдьабын". Сэрии иннинэ ыал-
лар үрэхтэр бастарынан, алаастар хоннохторунан-быттык-
тарынан бытанан олороллоро. Биһиги туруорбах балаҕам-
мыт кыһынын өрүүтүн, муҥха дьонун курдук, хойуу киһилэ-
нэрэ. Бэйэбит уончаҕа чугаһыыр оҕо этибит. Онуоха биир
оччо оскуола оҕолоро эбиллэн, балаҕаны тула сыҥаһа
ороннорго үстүү-түөртүү буолан утуйарбыт, ол үрдүнэн
баппакка, сорох оҕолор дьиэ буор муостатыгар от тэлгэтэн
утуйаллара. Дьэ ол оҕолортон биирдэстэрэ кэлэн турдаҕа.
"Оттон бу — Ардьакыап Үстүөпэ. Бээрийэ уола. Биһиги Тан-
даҕа төрдүс кылаастан бииргэ үөрэммиппит. Быйыл культ-
просвет оскуоланы бүтэрээри сылдьар. Көмөлөһөр киһитэ
суох үөрэнэр” , — диэн аны киһим аргыһын билиһиннэрэн
барда.
Степаҕа көмөлөһөр киһитэ суоҕа көстө сылдьара. Оннук
дьүдьэҕэ, наһаа эргэ таҥастааҕа. Илиитэ-атаҕа көхсүгэр
сигэнэн холбонон баран талыгыр босхо сылдьар курдукта-
ра. Саха АССР норуотун хаһаайыстыбатын үтүөлээх
үлэһитэ, Үлэ Кыһыл Знамята орден, элбэх мэтээллэр кава-
лердара, билигин Саха АССР материальнай-техническэй
хааччыйыыга Государственнай комитетын председателэ,
уруккута биллиилээх партийнай үлэһит Степан Степанович