Page 87 - Аржаков Степан Степан

салайыныы боппуруоһуттан автономияны олохтооһуҥҥа
тиийэ биир силистээх дьыаланан дьарыктаммыттарын
ыйар.
Түмүктээн эттэххэ, С.С. Аржаков саха норуотун ытык
киһитин Сэһэн Ардьакыап туһунан бэртээхэй кинигэни
таһаарбыт. Бу кинигэни ааҕан баран, биһиги, сахалар да
төрдө-ууһа суох буолбатах, аар-саарга аатырбыт, исто-
рияҕа киирбит дьоннордоох эбилпит диэн улаханнык киэн
туттуох санаа киирэр. Төрүттэри, олорон ааспыт историяны
үөрэтии инники сайдыыны торумнуурга, ыччаты иитэргэ
сүҥкэн суолталаах. Сиэрдээх да батталлаах да баайдар
бааллара. Олору үрүҥүн үрүҥ, харатын хара диэн хайдах
баарынан көрдөрүөххэ наада. Ол өттүнэн даҕаны кинигэ
аналын толорбут дии саныыбын.
Дмитрий Николаевич НИКОЛАЕВ,
суруналыыс, РФ уонна СР культуратын утүөлээх улэһитэ
(Ыстатыйа "Кыым" хаһыакка
2003 сыл кулун тутар ый 7 кунугэр
бэчээттэммититтэн кылгатылынна)

2002 сыл

"Ильмень күөлгэ — иэдээн” диэн саха саллааттара
1943 сыл олунньу ый 23 күнүгэр Ильмень күөлгэ түбэспит
иэдээннэрин туһунан, ити иэдээн 60 сыла туолуутунан си-
бээстээн, архыып матырыйаалларын уонна биирдиилээн
дьон ахтыыларын мунньан хомуурунньук-кинигэ бэлэмнэс-
питэ, 2003 сылга бэчээттэнэн тахсыбыта. Бу кинигэ ис
хоһоонунан Уус Алдан улууһун кииннэммит библиотеката
ааҕааччылар коференцияларын 2003 сыл муус устар ый 10
күнүгэр ыыппыта. Онно улуус ветераннарын Сэбиэтин
председателэ Н.Е. Аммосов этиититтэн: "Бу бүтүннүү кэриэ-
тэ документальнай хомуурунньугу биһиги биир дойдулаах-
пыт С.С. Аржаков хомуйан, кэпсэтэн, былааҥҥа киллэртэ-
рэн таһаарда. Киниэхэ көмөлөспүттэр архыып үлэһитэ А.А.
Калашников, суруйааччы Е.П. Неймохов. Аҕа дойду сэрии-
тигэр биһиги саллааттарбыт Ильмень күөлгэ түбэспит
иэдээннэрин дьиҥнээҕин бу кинигэттэн биллибит. Онон
олус наадалаах, историческай суолталаах кинигэ буолар.
Ильмень күөлгэ Уус Алдан Найахытыттан Иван, Николай,