Page 93 - С.С. Аржаков Уус-Алдан үлэһит дьоно

Сарсыарда 7 чаас 30 мүнүүтэҕэ, дьэ, ынахтарыгар тиийэн 9
чааска диэри аһатар, ыыр. Сүөһүтэ 20 ыанар ынах, 1 ат оҕус, 1
атыыр оҕус, 14 бороон, 7 тыһы тыһаҕас, 3 тыһы тиҥэһэ, бары-
та 46 ынах сүөһү быйыл кыстаата. Бу эмиэ сэдэх сүөһүлэр не-
мец голштинскай, наар оҕус ньирэйи төрөтөр боруодалара.
Холобурга, Нарыйаана үүтүнэн республика 5 төгүллээх чемпи-
она, Лычево 7 цент. ыйааһыннаах, Тулуза эмиэ элбэх үүтгээх
ынах этилэр. Ити ынахтар төрүөхтэрин эккирэтэ сылдьан
ылан, атыылаһан сүөһү оҥосто сылдьар. Михаил XI пятилет-
каҕа республика биир аатырбыт ыанньыксыта этэ. 1984 сылга
5305, 1985 сылга 5024 кг. үүтү биирдии ынахтан ылбыта. Со-
вхоһу ыһалларыгар эн пенсионергын диэннэр 1 ньирэйи, 1 ку-
луну эрэ биэрбиггэрэ. Ити кэннитгэн коллективнай хаһаайыс-
тыбаҕа ыанньыксытгаан былаанын аһаран 7 сыл 7 ньирэйи би-
риэмийэҕэ ылбыта билиҥҥи сүөһүтүн төрдө буолла. Ол иһин
ааспыт сылга 1 ынахтан 3154 кг. үүтү ыата, 20 тонна үүтү, 5 тон-
на эти, 8 племенной сүөһүнү атыылаата.
Онтон күнүс 2 чаастан сүөһүлэрин, сылгыларын уулатал-
лар, аһаталлар. сылгыларын туруоран эрэн биэдэрэнэн, уу
баһан уулатар. Киэһэ 6 чаастан киирэн эмиэ аһаан-сиэн, теле-
визор көрөн сынньана түһэллэр. Кыһын киэһэ 11 чааска, са-
йын 12 чаас саҕана утуйар.
- Мин соччо бэрдэ да суох буоллар ыллыырбын сөбүлүүбүн,
- диир Михаил Николаевич. - Дария Барашкова ыллаатаҕына,
миигин биһиккэ сытыаран бигииргэ дылы. Анегина Ильина
ыллаан дьиэрэтгэҕинэ киэҥ Ленам чуумпу уутугар тыынан ус-
тан эрэрдии сананабын. Оттон миигин билбэт эдьиийим Ма-
рина Попова барахсан дьырыһытгаҕына, таҥара дуу, айыыһыт
дуу бэйэтэ кэлэн миэхэ эрэ ыллыырыныы сүргэм көтөҕүллэр.
Дьиктитэ баар, кинилэр ырыаларын ынахтарым кытта
сөбүлүүллэр. Магнитофоҥҥа кинилэр ырыаларын холбоотох-
пуна, бэйэм да өрө көтөҕүллэн ыыбын, ынахтарым да ордук
куду-хады иэтэллэр. Музыкаҕа үүнээйи ордук үүнэр дииллэр,
оттон ынах өйдөөх - үөрэрэ, ордук иэтэрэ чахчы.
Республика бастыҥ сүөһү иитээччитэ, тирэх бааһынай
хаһаайыстыбатын салайааччыта, үлэ Албан аат орден толору
кавалера М.Н. Готовцев сүөһүтүн өссө элбэтэр, бородууксу-
йатын лаппа үксэтэр санаалаах.

91