Page 92 - С.С. Аржаков Уус-Алдан үлэһит дьоно

Михаил мин кэпсиирим курдук уһаабакка кууруссатын,
хааһын бэрт начаас аһатаат ынахтарыгар тиийэр. Ити бастакы
хотоҥҥо ынахтары кытары сибиинньэлэр тураллар, хааччаҕа
суох көҥүл босхо сылдьаллар. Сүөһүнү кытга бииргэ аһыыл-
лар, оннооҕор кыһыннары даҕаны күөлгэ киирэн уулаан тах-
саллар. Сибиинньэни 4 тыһыны, 1 атыыры кыстатта. Хааһы
кыһын эрэ аһатарын курдук сибиинньэни эмиэ аҕыйахтык
аһатар. Сибиинньэ эмиэ айылҕа оҕото бэйэтэ булан аһыахтаах,
- диир. Саас хортуоппуйу олортохторуна хаһан сииллэритгэн
куоттаран эрдэ сайылыкка көһөрөн көҥүл иитэр. Сибиин-
ньэлэр бэйэлэрэ үксүн мэччийэн аһыыллар. Оннооҕор,
төрүүллэригэр бэйэлэрэ күөл кытыытыгар оту мунньан уйа
туттан төрөөн уончалыы оҕону батыһыннаран кэлэллэр. Оч-
чоҕо эбии аһатарга тиийэр. Сибиинньэ күнү-дьылы олус
үчүгэйдик билгэлиир. Ардах-тыал буолаары гыннаҕына, хо-
тоҥҥо саһар, күһүн тымныы түһэригэр хотон аанын хайбыт
буолар. Күһүн тымныы түстэҕинэ кэбиһиилээх от аннын хаһан
хорҕойор. Сэтинньи 20 күнүгэр диэри сибиинньэ сайылыкка
бэйэтэ булан аһыыр. Ити күн хаһыа да буолан тахсан 7 км сир-
гэ сүүрдэн кыстыкка киллэрэллэр.
Ханнык баҕарар сүөһү туох эрэ улахан уратылаах, киһини
бэйэтигэр тардардаах кыраһыабай, дьиктилээх буолуохтаах
диэччи Михаил. Сибиинньэлэрэ бары бөдөҥнөр, хара эриэн
дьүһүннээхтэр. Кемеровскай уобаластан, эт боруодалар. Ки-
нилэри 2 ыйдарыгар диэри үчүгэйдик аһатар, көрөр-харайар.
Бары сүөһүнү 1-2 ыйыгар олус үчүгэйдик аһатар наада, онтон
ыла бэйэлэрэ айылҕаттан да аһаан улааталлар, - диэн Михаил
мэлдьи этээччи. Кини сибиинньэтин аҥардас этэ 140-150 кг.
ыйааһыннанар. Ол эрээри сибиинньэтин элбэхаһылыгы сиэп-
пэккэ эрэ 3 ыйын туолуоҕуттан өлөрөн атыылыыр. Ийэ си-
биинньэтин уһуннук илдьэ сылдьар, сааһырбыт сибиинньэ эл-
бэх, ортотунан уон доруобай оҕону төрөтөр.
Көмөлөһөр уола Максимныын 7 чаас саҕана 14 сылгытын
аһатар, көнньүүһүнэлэрин ыраастыыр. бу ыраас сүүрүк боруо-
да П-Ш көлүөнэлэрэ. Республикаҕа аатыра сылдьыбыт
сүүрүктэр Вавилон, Боливар, Билиим, Бабульник, Рапорт,
Сэргэх оҕолоро, удьуордара.
- Мин бэйэм аты баайан сүүрдэр солом суох, - диир Миха-
ил Николаевич. - Сорох сылга коллективнай предприятие мин
аппын уларсан сүүрдэр, арыт кыайар. Экология Мэҥэлэр Ва-
лериналарын балта. Миэхэ баалларын төрөтөн, кулуннарын
коллективнайдарга биэрэбин. Соннук, бэйэм сүүрдэн туһам-
матарбын да харах үчүгэйи таптыыр дииллэрэ кырдьык ээ.
Ураты көстүүлээх сылгыны сөбүлүүбүн. Ону таптаан имэрий-
дэхпинэ, сыстан турдахпына, олус уоскуйабын, дуоһуйабын.
90