Page 30 - С.С.Аржаков, Н.Н.Петров. Военное лихолетье

батареятыгар сэриилэспитэ, быыстала суох буомбалааһын аннынан Волганы туо-
руур муостаны тутуспута. Балаҕан ыйын 28 күнүгэр илиитигэр бааһыран госпи-
тальга эмтэммитэ. Онно убайын Борисов Антон Ильиһи көрсөн улахан үөрүүлээх
түгэн буолбуттаах. Ол туһунан Антон Ильич хаһыакка суруйан турар.
1943 с. сэтинньигэ аҕам атаҕын тобугунан буомба оскуолката үлтү көтөн, госпи-
тальга эпэрээссийэлэнэн, 2-с группалаах инбэлиит буолан, сэтинньи бүтүүтэ дой-
дутугар кэлбитэ. Сэрииттэн кэлээт бастаан 2 сыл курдук колхозка председателлээ-
битэ, кэлин хас да сыл нолуок агенынан үлэлээбитэ. Колхоз былаанын толоро
Кэбээйигэ кадровай булчутунан эмиэ сылдьыбыта. Онтон пенсияҕа тахсыар диэри
совхоз тутуутун биригээдэтин салайбыта. Пенсияҕа тахсан да баран от тэриллэ-
рин, көлүүр аттарыгар адаҕалары, ынах ыырга олоппостору, саах күрдьэҕин, трак-
тор сыарҕатын оҥороро, өрөмүөннүүрэ.
Аҕам колхоз, совхоз төһүү үлэһитэ, үлэ ударнига буолан элбэх махтал сурукта-
рынан, грамоталарынан наҕараадаланара, отунан, харчынан бириэмийэлэнэрэ.
Семен Федорович сэрии ветерана, инбэлиитэ “Германияны кыайыы иһин’’,
“Аҕа дойдуну көмүскүүр Улуу сэрии 1941 — 1945 сс. килбиэннээх үлэтин иһин”
уонна түөрт юбилейнай мэтээллэринэн наҕараадаламмыта. Сэттис мэтээлэ “Үлэ
ветерана” диэн этэ. Кини үс үрдүк үөрэхтээх тыа хаһаайыстыбатын специалиста-
ра буолбут оҕолордоох, 5 сиэннээх этэ. Аҕабыт 1984 с. кулун тутар 5 күнүгэр күн
сириттэн бараахтаабыта.

Полина ТАТАРИНОВА,
кыыһа, тыыл, үлэ ветерана

СТАЛИНГРАДТААҔЫ КЫРГЫҺЫЫ... ПАУЛЮС...

Сунтаартан төрүттээх Васильев М.А. Кутана сэттэ кылаастаах оскуолатын бүтэ-
рэн баран, телефониһынан, ликбезкэ учууталынан үлэлээбитэ. 1937—1939 сс. Дьо-
куускайга политпросвет училищетын бүтэрбитин кэннэ Дьокуускай прокурорун
көмөлөһөөччүтүнэн анаммыта. Эһиилгитигэр армияҕа тылланан барбыта.
Бастаан 611 № -дээх чааска сылдьыбыта. 1942 с. Иркутскайга полит-үлэһитгэр
үс ыйдаах курстарыи бүтэрэн, младшай политрук званиелаах Сталинград кыргы-
һыытыгар 1942 с. от ыйыгар киирсибитэ.
1943 с. Воронежскай фронт састаабыгар сылдьан, Украинаҕа Сорочинскай куо-
ракка зенитнэй-пулеметнай училищеҕа үс ый үөрэммитэ уонна Соҕуруулуу-Ар-
ҕааҥҥы фронт ПВО-гар взвод командира буолбута. Улуу Кыайыы күнүн Германия
сиригэр Силезияҕа көрсүбүтэ. 1946 с. старшай лейтенант званиелаах, Кыһыл Су-
лус орденнаах, “Сталинград оборонатын иһин” уонна да атын мэтээллэрдээх де-
мобилизацияламмыта. Кэлин Аҕа дойду сэриитин II степеннээх ордены ылбыта.
Мелетий Аввакумович дойдутугар партия Сунтаардааҕы райкомун пропагадиһы-
нан, парткабинет сэбиэдиссэйинэн үлэлээн баран, 1949—1951 сс. Дьокуускайга икки
сыллаах партшколаҕа үөрэммитэ. Ити кэнниттэн Сунтаарга райком пропагандаҕа
уонна агитацияҕа отделын сэбиэдиссэйинэн, үһүс секретарынан, райком МТС зо-
натыгар секретарынан үлэлээбитэ. 1955—1958 сс. райсовет председателин солбуйа-
аччынан, икки сыл “Элгээйи” совхоз парткомун босхоломмут секретарынан сылдь-
ан баран, 1960 сылтан 15 сыл устата райсовет плановай комиссиятын председателинэн
үлэлээн ааспыта. 1976 с. пенсияҕа тахсан баран, Сунтаардааҕы профтехучилищеҕа
байыаннай дьыаланы үөрэтэр преподавателинэн, промкомбинакка үлэлээбитэ.
Васильев М.А. “В.И. Ленин төрөөбүтэ 100 сылын бэлиэтээн. Килбиэннээх үлэтин
иһин“, “Үлэ ветерана” мэтээллэринэн наҕараадаламмыта, Саха АССР норуотун хаһа-
айыстыбатын үтүөлээх үлэһитэ аатын ылбыта. 1993 с. ыалдьа сытан тиһэх наҕараада-
тын — “ССКП кэккэтигэр 50 сыл” бэлиэни туппута.

28