Page 112 - Бэстэрикиэптэр. Олох салҕанар

Бэстэрикиэптэр. Олох салҕанар

хаттар бары уолаттар этибит, дьээбэбит-хообобут, мэникпит ханна ба-
рыай? Ол аҕабыт кулгааҕар үгүс өттө тиийэр буоллаҕа. Онно кини оннук
өтөрү-батары этэн-мөҕөн дуу, таһыйан дуу иитэрин өйдөөбөппүн. Ол гы-
нан баран сыыһабытын ханнык эмэ ньыманан хайаан да өйдөтөрө. Арай
биирдэ үс улахан бырааттарбынаан аҕабытын кытта Маҕачаайы диэн
бэртээхэй тоҕой тыалардаах сир бэрдэ алааска куобахтыы бардыбыт.
Онно биир быраатым омунугар-төлөнүгэр киирэн умнан кээһэн мустар
сирбитигэр саатын сомуогун туруорбутунан кэллэ. Саатын тута сылдьан
кэпсээн-ипсээн, хамсаныы-имсэнии бөг>ө. Ону көрөн аҕабар эппиппэр:
“Пахаай, бу сатаан бултаабат, ситэ-хото илик киһи эбит, дьону саанан
дэҥнииһик. Онон бу үс куобаҕы сүгэн дьиэҕэр төнүн” - диэн ыһыыта-
хаһыыта, охсуута-тэбиитэ суох эппитэ субу баар.
Оҕолоро үчүгэйгэ тардыһалларын туох да дарбаана суох өйүүр, үөрэр
этэ. Холобурун мин оччоттон баччаҕа диэри эрдэһиппин. Сатаан
өйдөөбөппүн, тоҕо эбитэ буолла, сарсыарда 7 чааска, бэл, кыһыҥҥы
тымныыга да оскуолаҕа баар буоларым. Электричество суох, оҕолор
суохтар, арай оһох оттооччу эрэ баар буолара. Ону сүөргү да соҕус
буоллар “билиигэ-көрүүгэ, үөрэххэ тардыһыыта буоллаҕа буолуо”, — диэн
бопсубат этэ.
Аҕабыт сэмэйин мин күн бүгүҥҥэ диэри сөҕөбүн. Ону ситистим, маны
“тоҕо көттүм” диэн хаһан да кэпсэнэ-ипсэнэ сылдьыбат этэ. Дьиҥэ оч-
чолорго, аҕам директордыыр кэмигэр Орто Эбэ оскуолата 7 нэһилиэги
хабан 300-тэн быдан тахса үөрэнээччилээх, оройуоҥҥа, республикаҕа
тиийэ биллэр биир бастыҥ оскуола этэ. Хаһыат бөҕөҕө хайҕанар, рес­
публика радиотынан хаста да кэпсэнэр. Оччолорго, мин алҕаһаабат буол-
лахпына, республикаҕа соҕотох бөдөҥ “тыыннаах муннук” баара. Онно 2
бараан, уонтан тахса хоруолуктар, биир оччо үрүҥ пекинскэй кустар, 4
холууп, өссө индюкка тиийэ баара.
Үгүс араас, сороҕо оччолорго үгүс дьоҥҥо төрүт да биллибэт ре­
вень, тыква, оҕурсу, кукуруза, сүбүөкүлэ, моркуоп, горох, ньэчимиэн, сэ-
лиэһинэй, хаппыыста, кииһилэ, эриэппэ үүнэр пришкольнай учаастагын
тэрийбитэ. Онно үрдүк үүнүүнү ылан, оройуоҥҥа бастаан, республика
иһинэн баара-суоҕа 4 миэстэ баарыттан 1 наҕарааданы ылан, Ленинг­
рад куоракка оҕолор Бүтүн Союзтааҕы юннаттарын слетугар кыттар үрдүк
108