Page 111 - Бэстэрикиэптэр. Олох салҕанар

Бэстэрикиэптэр. Олох салҕанар

бын аҕабыттан саҕалыым. Ол ийэбитин ытыктаабаппытыттан буолбатах.
Нэһилиэк, оройуон олоҕор-дьаһаҕар оҥорбут үлэтин-хамнаһын түмүгэ
дьоһунун, киһи, учуутал быһыытынан үлэтин-хамнаһын түмүгэ дьиҥ-чах-
чы тахсыылааҕын иһин.

Аҕам

Аҕам барахсан бу аламай күн сириттэн барбыта 22 сыл буолла. Ол
гынан баран аҕам дьонугар-сэргэтигэр, ииппит-үөрэппит оҕолоругар үтүө
эрэ өйдөбүлү хаалларбытын кэпсииллэриттэн мин олус астынабын, киэн
тутта саныыбын. Тоҕо диэтэххэ, кини туһунан биир да ииппит-үөрэппит
оҕолоруттан, алтыспыт, бииргэ үлэлээбит дьонноруттан хом тылы истэ
иликпин.
Кини киһи, үлэһит быһыытынан быһыытын-майгытын төрөппүт улахан
оҕото буоларым быһыытынан сатаан ыпсаран кэпсээтэхпинэ ону өйдүөххүт
дии саныыбын. Аҕабыт үчүгэй, көнө саастаах маһы хайа охсубут курдук
сүрдээх көнө, судургу уонна намыын киһи эта. Кини биирдэ да дьону
кытта этиһэ, өстөһэ сылдьыбытын өйдөөбөппүн, туора да дьонтон истибэ-
тэҕим. Онон буоллаҕа буолуо, биһиэхэ оҕолоругар да этиһэ-охсуһа “сэ-
риилэһэ” сылдьар киһи суох. Аҕабыт барахсан барыбытыгар биир тэҥ-
ник сыһыаннаһара, хайабытын да чорботон-намтатан ииппэтэҕэ. Ол гы­
нан баран дьикти ээ, хас биирдиибит мин аҕабыт саамай ачаа, таптал-
лаах атаах оҕотобун диэн санаалаах этибит.
Өйбөр умнуллубаттык хатанан хаалбыт түгэнинэн, уончалаахпар бы-
һыылаах, киэһэ аайы хайаан да этэрбэстэрбитин, улахаттар хаатыҥка-
ларбытын, чылыгырыайкабытын, истээх ыстааннарбытын, үтүлүктэрби-
тин хомуйан оһоххо куурда уурара (бэйэбит куурдар “хаачыстыбабытын“
астыммат буоллаҕа). Аҕабытын үксүн сарсыардааҥы уонна киэһээҥи
аһылыктарга эрэ көрөрбүт. Оннук үлэ туһа диэн баран сылдьар киһи этэ.
Онон аҕабыт ыйга иккитэ-үстэ остуоруйалыыра, ону-маны кэпсиирэ,
сайынын отоннуурбут, балыкка, куобахха сылдьарбыт олус кэрэ да буо-
лар этэ! Дьэ, ол сылдьан, бэйэтин санаатын эрэ аҥардастыы соҥноо-
бокко, атыны кытта тэҥнээн, ыйытан, быһааран оту-маһы, сүүрэри-көтөрү
билэргэ, өйдүүргэ үөрэтэрэ, кэпсиирэ. Оҕо аата оҕо, саатар биэс ула-
107