Page 122 - Бэстэрикиэптэр. Олох салҕанар

Бэстэрикиэптэр. Олох салҕанар

ойон туран чаһыыны эҥин көрө барбакка: “6 чаас буолла, тура оҕус,
хойутаары гынныбыт”, - диэбит уонна уотун оттон тигинэтэн барбыт.
Эдьиийэ хотонугар тилир гыммыт. Тиийбитэ ким да суох эбит. Кэлэригэр
туран көрсөр ынахтара сыталлар. Тоҕо ол 3 аҥаар чааска туруохтарай?
Кэлбит киһи хайыай, ынахтарын ыан тигинэтэн киирэн барбыт. Онтука-
быт кэлин билбиттэрэ, түүн дьахтар оҕолоноору медпууҥҥа уот бэрдэр-
биттэр эбит.
Ийэ-балтыкааныам, аал уотуҥ куруук тигинэччи умайдын! Үлэҥ-хам-
наһыҥ өрүү чэчирээтин!

Бороҕону аһатааччы

Холодильник, телевизор оҥорор маастарыттан саҕалаан сааһын ту-
хары биир системаҕа үлэлээн, түмүгэр бүтүн Бороҕону аһатан-таҥынна-
ран олорор улуус потребобщество председателигэр тиийэ үүннэ Данил
Петрович.
Бастаан үлэһит уолу Дүпсүн нэһилиэгин курдук улахан сельпоҕа пред-
седателинэн таһаараллар. Онтон дьэ, кыайыыһык-хотууһук диэн Бо-
роҕоҥҥо киллэрэллэр. Үлэтин быыһыгар Дайыыкка барахсаным коопе-
ративнай техникуму, онно астыммакка Сибиирдээҕи эргиэн академия-
тын кэтэхтэн үөрэнэн бүтэртээн кэбиһэр. Бүттэҕэ ол. Эйигин, быраат,
дьон хараҕын далын ортотугар олорор киһи туһунан туох диэн үгүһү су-
руйуомуй, дьаныарыҥ-үлэҥ, үөрэҕиҥону бэйэтэ кэрэһэлиир. Норуоккун
эрэ аччыктатыма, бүттэҕэ ол...
Маҕачаайы диэн Орто Эбэлэр баар-суох быйаҥнаах алааспытыгар
биригээдэ биир звенота оттуу сылдьыбыт. Бырааттарым Даниллаах Коля
эмиэ бааллар. Трактордара алдьанан хаалан звено салайааччыта Уйбаан
трактористыын бөһүөлэккэ саппаас чаас ыла барбыттар. Уолаттар тото-
хана тустан, сүүрэн-көтөн сынньанан олорбуттар.
Арай туран биир дьээбэлээхтэрэ өй угааччы буолбут: “Дьоммутун
кэлэллэригэр куттуохха. Коля быраатын саанан дэҥнээтэ диэххэ”. Дани­
лы төбөтүн унту бэрэбээскилээн, онно дьуоту кутан хааннаан бэлэмнэм-
миттэр. Өр-өтөр буолбат мотоцикл иһэрэ иһиллэр. “Чэ, Данил, умса сыты-
нан кээс. Коля, ити тыа саҕатыгар тахсан сас”. Мотоцикл бу бирилэтэн
118