Page 123 - Бэстэрикиэптэр. Олох салҕанар

Бэстэрикиэптэр. Олох салҕанар

кэлэр. Уйбаан саппаас булан үөрбүт аҕай. Арай оллоон таһыгар кэлбитэ
уолаттара уку-суку олороллор эбит.
— Хайа, бу туох буолла?
Онуоха баһылыктара Костя уол этэр: “Дьэ, Уйбаан, сатаммакка олоро-
бут. Колябыт саатын алҕас эһэн, ити быраатын дэҥнээтэ. Киһибит өлөөрү
сытар быһыылаах, букатын саҥарбат. Нэһиилэ тыынан сурдургуур. Коля
бэйэтэ өйүттэн тахсан, ити аппытын ылан ол арҕаа диэки кылана-кылана
көтүтэ турда”. Итини истээн Уйбаан муҥнаах уҥан эрэ түспэтэх. Балтараа
мүнүүтэ бадахтаахтылыттан матан эппэҥнии турбут. Онтон өй ылан этэр:
— Оттон тоҕо тута балыыһаҕа иппэтигит.
— Туохпутунан барабыт ол? Аппытын Коля илдьэ барбыта, биир мо-
тоциклбытын эһиги. Уонна субу эрэ оһоллонно, ону ити сүбэлэһэ сатыы
олоробут.
— Иэдээн да буолар эбит, хайыыбыт?
Данила ону истэ-истэ икки санна ыгдараҥнас. Ону көрөн Костя тэптэ-
рэр үһү: “Уйбаан, дьэ, киһибит өлөн эрэр быһыылаах, ити иҥиир-ситиитин
таттаран эрэр. Уйбаан, чэйиий, киһибитин быыһаан көрүөх”. Тракторист
мотоциклга ыстанар. Онуоха Костя кэнниттэн ыһыытыыр: “Баһылаай, тох-
тоо-тохтоо, оонньоон эттибит!”
— Хайдах?!
— Иван Петрович, бырастыы гын, оонньообуппут оҕус буола сыста.
Аны итинник оонньуохпут суоҕа.
Уйбаан эрэйдээх балайда кэриҥэ дөйөн турбахтаан баран: “Оо, дьэ,
сордоох да дьоҥҥут" - эрэ диэхтиир.

Баспытаатал Өлөөнчүк

Балтыбыт барахсан күөгэйэр күнүгэр сылдьан, үлэтин-хамнаһын
өрөгөйүгэр олорон, олус да хомолтолоохтук биһиги ортобутуттан ба-
раахтаабытыҥ...
Арай биһигини билигин арыычча уоскутар, аһыыбытын эмтиир -
эн бу күн сиригэр чахчы дьоһуннук олорон ааспытыҥ. Эйиэхэ барыта
баара: тапталлаах дьиэ кэргэҥҥэ нус-хас олох, сөбүлүүр үлэ, киһиэ-
хэ күн аайы тиксибэт, көстүбэт үтүөкэннээх дьүөгэлэр, доҕоттор, ай-
119