Page 118 - Бэстэрикиэптэр. Олох салҕанар

Бэстэрикиэптэр. Олох салҕанар

диэн эттэххэ, кэпсээнньитэ да оҕо эрдэҕиттэн биллэр эта. Арай бэһис
кылааска үөрэнэ сырыттахпына, төрөппүттэрим чаһы бэлэхтээтилэр. Дьэ,
үөрүү-көрүү бөҕө. Көрүү-истии, тутуу-хабыы. Билиҥҥинэн биримээнэ мас-
сыына бэлэхтэппиккэ тэҥ. Кэннигэр “пыле-влагонепроницаемые” диэн
суруктаах. Фосфордаах. Оччолорго 8-таах бэдик Бааска тулуйан-тэһийэн
туруо дуо, көрө-истэ түһээт сонун кэпсии доҕотторугар ыстанар. Ыалтан
ыалга сүүрэ сылдьан: “Көрүҥ эрэ, ити убайбар чаһы ылбыттар. Алдьархай-
даах үчүгэй, ханна да суох чаһыы! Көр эрэ, үс истириэлкэлээх ээ, үс!
Үсүһэ сүүрүк да сүүрүк, түргэн баҕайы. Өссө кэннигэр “сиго-влагонепро­
ницаемые” диэн суруктаах (аҕыйах миэтэрэ иһигэр тылбаастаан тиийдэх-
пит ити!). Аны өссө уоттаах, онтуката түүн эрэ умайар үһү”. Фосфорын
этэр. Дьиҥэр, кини кэпсиирэ оччолорунан оруннаах. Фосфордаах, секун-
домердаах чаһыы бөһүөлэккэ бастакы этэ.
Биһиги Бэстэрикиэптэртэн «ыарахан» үлэҕэ саамай туруу үлэһиппит
быраатым Баһылай. Дэлэҕэ Үлэ Албан Дата уордьан кавалера буолуо дуо?!
Бииргэ үлэлиир дьонноро сөҕөллөр үһү: “Дьэ алдьархайдаах киһи, бу отуч-
ча сыл устата биир күн хойутаабакка сарсыарда 7 чааска баар буолар.
Кини кэлэринэн чаһыыны бэрэбиэркэлиэххэ сөп“. Онно киһи сөҕөрө суох.
Ол кини үлэтигэр бэриниитэ, суобаһа. Өссө истиэххин баҕардаххына, лоп
курдук 7 чааска кэлиэн иннинэ хотонун көрө охсон, дьиэтин иһин-таһын
бэрийэн кэлэр. Төһө да эрдэ турбутун иһин, былыргы кырдьаҕастар курдук
киэһэ 6-7 чааска хаптайбат. Уон аҥаар, уон биир чааска диэри хаһыат
ааҕан, телевизор көрөн баран сынньанар. Хаһыат диэбиккэ дылы, Баһы-
лайдаах уонча араас хаһыаты, сурунаалы күн бүгүҥҥэ диэри суруттарал-
лар. Аны кинигэ биир ыарыыта. Дьону кытта алтыһыы - кини стихията! Ол
да иһин сэһэнэ-сэппэнэ элбэх буоллаҕа.
Чэ, быраат, суолуҥ көнө буоллун, көлөһөҥ алдьамматын! Дом!

Үһүс уол Силип

Ити төбөбүт аата эрэ үһүс. Биһигиттэн уон оҕоттон бастыҥмыт диэ-
тэххэ туох да омун суох. Эргиччи талааннаах, сайдыылаах быраатым
олоҕор тугу эрэ ситиһиэхтээҕэ, тахсыылаах үлэһит буолара оҕо эрдэҕит-
тэн биллэрэ. Чэ, бэйэҕит да сыаналааҥ. Оскуолаҕа олус үчүгэйдик үөрэм-
114