Page 204 - Бэстэрикиэптэр. Олох салҕанар

Бэстэрикиэптэр. Олох салҕанар

бэлэм. Уонча киһи баһыгар биирдии куобаҕы өллөнөн баран, иккилиини
киэһэ дьиэҕэ илдьэ барар түбэлтэлэр эмиэ бааллара.
8-10 кылаастарга үөрэнэ сылдьан күһүн субуота, өрөбүл аайы ыксал
бөҕөнөн дьиэҕэр кэлэҕин, уолаттары кытта эрдэттэн улэхтээх буолан
мүччү-хаччы аһаат, тыаҕа тахсарбыт. Кэрийэн-тоһуйан син биир илии
тутуурдаах, өттүк харалаах кэлэрбит, төрөппүттэрбитин үөрдэрбит. Ол
үөрүйэхпит, айылҕаҕа, сиргэ-уокка ытыктабыллаах сыһыаммыт эппити-
гэр-хааммытыгар иҥэн сырыттаҕа. Сааһыран да баран, сааскы, күһүҥнгу
кэмнэри сүрдээҕин кэтэһэбит. Улаханнык куһу-көтөрү сууһарбатарбыт,
айылҕаҕа сылдьан, кутаа тула олорон, күө-дьаа буоларбытын күндүтүк
саныыбыт.
Кэлин өр сылларга өйдүү-саныы сылдьар гына өлгөмнүк бултаабып-
пыт 1992 сыллаах күһүнүгэр Түүлээххэ этэ.
Оччолорго биһиги Бороҕоҥҥо олорорбут. Оройуон сэбиэтигэр тэ-
рийэр отделга сэбиэдиссэйдиибин. Аймахтары кытта эрдэттэн кэпсэ-
тэн, үлэһэн Түүлээххэ таайбытыгар Гусимҥа куобахтыы барарга сүбэлэс-
тибит. Оччоттон-баччаҕа диэри түҥкэтэх, кырыы нэһилиэк буолан, Түүлээх
булдунан аатырар. Таайбыт Халыма үрэх Алдан өрүскэ туһэр төрдүн диэ-
кинэн тэҥкэ тыалаах үчүгэйкээн кырдалга кыракый үүтээннээх. Хатас-
тан, куораттан, Бороҕонтон, Суоттуттан, Орто-Эбэттэн ох курдук оҥос-
тон, тэринэн Түүлээхтээтибит. Ол дойдуга сырыы-айан кыһалҕалааҕын,
бултуурга-хаамарга сирэ-уота эрэйдээҕин, сылдьыбыт эрэ киһи билэр,
удумаҕалыыр. Көбүс-көнө хонуулаах, хаамарга иҥнигэһэ суох тыалаах
биһиги Орто-Эбэбитигэр тэҥэ суох дойду. Ону ол диэбэккэ, сир тоҥон
эрэринэн туһанан, икки “Москвич” массыынанан, биир коляскалаах “Иж-
Юпитер” мотоциклынан суола иҥнэритин, түһүүтүн-тахсыытын аахсыба-
тахха, улахан эрэйэ суох Түүлээххэ тиийдибит. Бөһүөлэктэн үүтээҥҥэ
диэри биир көһү кыайар-кыайбат. Икки үрүйэни туоруохтаахпыт. Массыы-
на хайдах да тиийбэт, онон сүрүн таһаҕаспытын мотоциклга тиэйэн, ор-
дубутун сүгэн үүтээммитин этэҥҥэ буллубут. Дьэ, бу үчүгэйкээн сиргэ
хонон-өрөөн сытан, кэлэ-бара айаны аахсан туран, биир нэдиэлэ бултаа-
тыбыт. Күн ахсын 7 - 8 буолан кэрийэбит. Биир киһи өтөх харабылынан,
ас астааччынан хаалар. Таайбыт биир-икки күн бултаста быһыылааҕа.
Сарсыарда аайы 9 км сиртэн уруогун биэрэ оскуолатыгар киирэр, киэһэ
168