Page 205 - Бэстэрикиэптэр. Олох салҕанар

Бэстэрикиэптэр. Олох салҕанар

биһигини, сиэннэрин-аймахтарын кытта хоноору, сэһэргэһээри үүтээҥҥэ
тахсар, өссө өйүө килиэп аҕалар. Тоҕото эбитэ буолла, кэнники куннэргэ
килиэппит тиийбэт туруктаммыта. Дьэ, 60-тан тахса саастаах киһиэхэ бу
баҕата, сүрэҕэ-бэлэһэ диэтэҕиҥ.
Куобаҕа элбэҕэ бэрт. Кылгас кэмҥэ бэрт өлгөмнүк бултуйдубут. Үүтээн
тула сылдьабыт. Улахан сылайыы-элэйии суох.
Киэһэ наһаа хойутаабаппыт. Уончалыы куобаҕы сүгэр буолуохпуту-
гар диэри ытан баран төннөбүт. Дьэ, ол төннөн иһэн араас саҥа-иҥэ
бөҕө. Куобах көһүннэҕинэ, төттөрү үүрүү, “эн ыт, мин ыт”, —диэн сэлээн-
нэһэбит.
Кэпсээн-ипсээн элбэҕэ, үөрүүтэ-көтүүтэ - киэһэ ас кэмигэр. Буолу-
муна, остуол хотойорунан бүтэй бүөрдээх куобах эмиһэ, бөдөҥө. Кэмчи
да буоллар, остуол киэргэлэ ас эмиэ баар. Сэриигэ курдук, киэһэ аайы
кээмэйинэн бэриллэр. Арыгы билиҥҥи курдук дэлэй буолбатах, бобул-
лар-хаайыллар, улаханнык нуормаланар кэмэ этэ.
Бултуурбут быыһыгар биир күн саҥа үүтээн маһа диэн кэрдэн, быс-
талаан бэлэмнээтибит. Ол быыһыгар Алдаҥҥа киирэн илимнээн, балы-
гынан аһаабыппыт, туустаан дьиэбитигэр илдьибиппит эмиэ баар суол.
Кэлбиппит иккис күнүгэр быһыылааҕа, бэрт улахан “моһуокка” ыллара
сырыттыбыт. Үрэхпит төрдүгэр улахан уу сэбэ кэлэн тохтообута билин-
нэ. Моторка буолбатаҕын сэрэйдибит. Баһылайбыт, сэрах муҥутаан, кими
да саҥардыбат: “Аргыыйыҥ! Дьэ, алдьархай, тута кэллэхтэрэ”, - диэн
буолла. Дьиҥэр, ыраахтан сылдьар дьон бултааһын болдьоҕо саҕаланыа
биир-икки хонук иннинэ эрдэ кэлбиппит оччо баа буолбат этэ. Уонна
айылҕаҕа даҕаны улахан хоромньуну оҥоро илик кэммит этэ.
Ол да буоллар, бэрээдэк аата - бэрээдэк, болдьох аата - болдьох,
дьаахханныбыт. Сааны-сэби, куһу, куобаҕы наадалаах сирдэрин бул-
лардыбыт. Баһылай Саша Ивановтуун биэрэстэ аҥарыттан ордук сири
хара быардарынан сыыллан киирэн чуҥнаан тахсыбыттара. Онтубут бэйэ-
бит курдук булчуттар (бука Дьокуускайтан тойоттор сылдьаллара буолуо
диэн тойоннообуппут, оччолорго “Зарянан” кинилэртэн ордук ким Түүлээх
түгэҕэр тахсыай?) теплоходунан кэлэн, кыратык тохтоон барбыттарын
кэнниттэн, дьэ, уоскуйан, “кутуйах иинин кэҥэтэ” олорбут дьон салгыы
күө-дьаа буоллубут.

12 Заказ .V 146 169