Page 206 - Бэстэрикиэптэр. Олох салҕанар

Бэстэрикиэптэр. Олох салҕанар
Биир сарсыарда эмиэ биир көрүдьүөс буолла. Ньукулайбыт кыра
баҕайы масштабтаах карталаах. Туох барыта көстө-сурулла сылдьар. Кыра
да үөрэхтээх киһи ааҕыах үлүгэрэ. Куобахтыы барыах иннинэ, атаакаҕа
киирэн эрэр дьон курдук, сири-уоту үөрэтии, ханна тахсары сүбэлэһии
буолла. Туораттан көрдөххө, тойоммут Ньукулай курдук. Картаны остуол-
га тэлгэтээччи, ыйааччы-кэпсээччи кини. Биирдэ өйдөөн көрбүппүт, Ал-
даммыт хас да сиринэн ханна да кэлэрэ-барара биллибэт гына “тоһут-
таламмыт". Эмиэ үөрүү-көтүү, күлсүү-салсыы бөҕө буолла.
Дьэ, ити курдук биир күһүн таайбыт Гусим үүтээнин тула бултаан,
хас эмэ күнү быһа куобах этинэн эмсэхтэммиппит үрдүнэн, киһи баһы-
гар 47-лии куобаҕы үллэһиннибит. Ордугун уонча куобаҕы, төһө да бул-
таспатар, улахан убайбытыгар Бүөтүргэ өлүү анаатыбыт. Мин улахан уол-
бунаан Петялыын 94 куобахтаах Бороҕоҥҥо тиийбиппит астык этэ.
Төннөр күммүтүгэр 500-чэ куобаҕы бөһүөлэккэ диэри хайдах илдьи-
биппиттуспа кэпсээн. Бастаан атахтарыттан баайа-баайа үүтээнтэн мо-
тоциклбытын туруорбут сирбитигэр тастыбыт. Кырата, үстүүтэ-түөртүутэ
кырыннахпыт буолуо. Тыа быыһынан бэйэтэ биэрэстэҕэ чугаһыыр сир.
Саамай кыайарбыт (Петя) 26 куобаҕы илдьэр. Аны таҥаспыт-саппыт,
саабыт-сэппит, иһиппит-хомуоспут. Онтон мотоколяскаҕа 80-лыы куо-
баҕы тиэйэн хаста эмэ кырынан бастакы үрүйэҕэ диэри, оттон эмиэ
төттөрү-таары сүөкээн, сүгэн-көтөҕөн иккис үрүйэни туораттыбыт. Ол кэн-
ниттэн массыыналарбытын аҕалан бөһүөлэккэ тастыбыт. Дьэ, бу алдьар-
хайдаах үлэ буолбатах үһү дуо?!
Ити курдук, сарсыарда бэрт эрдэттэн саҕалаан баран, күнүскү аһылык
саҕана Туүлээххэ тиийдибит. Онно саҥаспыт Баһылайабына бэлэм аһын
аһаан, сылаас чэйин иһэн, булпутун түҥэттэн, малбытын-салбытын тиэ-
нэн, бултаабыт-алтаабыт дьон быһыытынан, дьиэ дьиэбитигэр тарҕасты-
быт. Ити умнуллубат бултааһыммыт быйыл уон сыла туолар эбит.
Умнуллубат диирим оруннаах. Ити туһунан өссө оччолорго сурукка-
бичиккэ киирбитэ. Оттон суруллубут— суоруллубат. Үһүс күнүгэр буол-
лаҕа дуу, саппыкыга атахпын быһа аалларан, кыайан хаамар кыаҕа суох
буолан, үүтээҥҥэ хааллым. Аспын астаан, малы-салы өрөтардан, үүтээн
таһын хомуйан баран, тэһийбэккэ, дьоммун кэтэһэ таарыйа тугу эмэ
гынар толкуйданным. Онтон кумааҕы, сурунар тэрил булан, өйдөбүл
170