Page 44 - Бэстэрикиэптэр. Олох салҕанар

Бэстэрикиэптэр. Олох салҕанар

олорбута”, - диэн кэпсиирим. Аҕалара оҕолоругар, кэргэнигэр (Герой
ийэҕэ), уон оҕотун ийэтигэр Мария Петровнаҕа: “Мин биллиилээх су-
руйааччыны кытары бииргэ олоро сылдьыбытым”, - диэн биирдэ эмэ
кэпсээбитэ буолуо дуо? Баҕар, олох да кэпсээбэтэх буолуон сөп. Бэрт
сэмэй киһи этэ.
Петр Петрович Пестряков Сэбиэскэй былааска улаатан, уерэнэн,
үрдүк үөрэхтэммитэ, оннук киһиэхэ ол саҕанааҕы Коммунистическай
идеология дириҥник иҥмитэ, инникигэ улахан эрэллээҕэ. Нэһилиэгин
оҕолоро үөрэхтэнэллэрин туһугар бүтүн олоҕун анаабыта. Кини уон оҕоло-
нон, ытык ыал ааттатан, олорбут сириттэн - Арыылаах бөһүөлэгиттэн
арахсыбакка, таптыыр идэтигэр бэриниилээхтик үлэлээбитэ. “Биһиги
Пестряков учууталбыт!” - диэн олохтоохтор киэн туттан кэпсииллэрэ.
Пестряков учуутал улахан уларыйыылаах кэмҥэ бэйэтин өйүн-санаа-
тын халбаҥнаппатах, биир бигэ өйдөбүллээх киһи буолан, колхозтары
бөдөҥсүтүү, кыра бөһүөлэктэри холбооттооһун иэдээннээх дьаһалларын
сүрэҕинэн-быарынан, өйүнэн-санаатынан сөбүлээбэтэҕэ, утарара. Ити-
ни уруккута “Арыылаах” колхоз тутаах үлэһиттэрэ: Саввин Николай Ар­
сентьевич, Артамонов Афанасий Иннокентьевич, Артамонов Петр Васи­
льевич кэпсииллэрэ.
Орто-Эбэ оскуолатын, Арыылаах бөһүөлэгин көһөрөөрү соруммутта-
рын олохтоохтор букатын сөбүлээбэтэхтэрэ, ылымматахтара, хайа сата-
нарынан утарса сатаабыттара. Кулууптарын дьиэтин көтүрэн, улахан
бөһүөлэккэ, Бэйдиҥэҕэ, илдьээри кэлбиттэрин көҥүллээбэтэхтэрэ,
кулууптарын харабыллаабыттара.
Арыылаах бөһүөлэгин төрүт олохтооҕо, колхоз биир төһүү киһитэ, эл-
бэх оҕолоох Артамонов Иван Федорович саалаах харабыллыы туран,
көтүрэ кэлбит, бэркэ билэр дьонугар туһаайан: “Чугаһаан көрүҥ эрэ,
ытыалаан кэбиһиэм!” - диэбитин кэлин миэхэ кэпсээбиттэрэ.
Тоҕо ытыалыаҕай?! Сытыары, сымнаҕас майгылаах убайым барах-
сан төһөлөөх кыһыыттан, абаттан уордайан, итинник соруйан, куттаан
саҥарбыта буолуой?! Кини элбэх оҕолооҕо, оҕолоро бука бары Орто-
Эбэ оскуолатыгар үөрэммиттэрэ. Иван Федорович Пестряков учууталы
ис иһиттэн ытыктыыра, кыра уҥуохтаах, эттээх-сииннээх, бэйэтин кыа-
нар, киппэ көрүҥүн астына көрөрө, аҕыйах да саҥалаах буоллар, киһини
40