Page 39 - Бэстэрикиэптэр. Олох салҕанар

Бэстэрикиэптэр. Олох салҕанар

ҥас өттүнэн хааччыллыы мөлтөх кэмигэр Мария Петровна маҕаһыын үлэ-
тигэр кытары көмөлөһөрө. Бэрт ууһугар Чирэпчи наспотуттан бэйэтэ быһа
кэпсэтэн аһы-үөлү, табаары аҕалсыһара. Маҕаһыыҥҥа киирэн атыыла-
ныытын хонтуруоллуура, лавочнай комиссия чилиэнэ этэ.
Доруобуйата мөлтөҕүн аахсыбакка ыаллыы нэһилиэктэргэ Мэҥэ Ха-
ҥалас Төҥүпүтүгэр тиийэ Мөҥүрүөнүнэн эргийэн сылдьыталыыра. Онно
мэлдьи ырыган, бытаан көлөлөөх буолара.
Оттон бэйэтин хаһаайыстыбатыгар дьаһаллааҕын киһи эрэ сөҕөр.
Оннооҕор дьиэ көтүттэрэн Бахсы сириттэн бэрэбинэ таһар көлө иччитэ
буолан бэйэтэ сылдьыһара. Киниэхэ төрөппүттэрэ ийэтэ Агафия, аҕата
Петр, бырааттара Гусим, Алеша Өлүөхүмэттэн көһөн кэлэннэр элбэх оҕону
иитэргэ, көрөн-харайан улаатыннарарга көмөлөспүттэрэ.
Петр Петровиһы киһи быһыытынан ордук чугастык 1953 сыл сайы-
ныгар Москва куоракка экскурсияҕа сылдьан билбитим.
Сэрии кэнниттэн ас-таҥас өссө да кэмчи кэмигэр учууталларга би-
риэмийэ курдук путевка анаабыттара. Улахан чиэскэ тиксибит курдук
санаан Уус-Апдантан үһүө: мин, Георгий Васильевич Данилов уонна Петр
Петрович буолан аргыстаһан бииргэ сылдьарга быһаарынныбыт. Оччо-
тооҕуга айана да уустуга. Аллараанан (самолетунан буолбатах) Лена
устун теплоходунан, онтон Лена станцияттан саҥа тутуллубут тимир суо-
лунан айаннааммыт Москваҕа 18 хонон тиийдибит. Ленаны Осетроваҕа
тиийэ 6-7 хонукка өксөйдүбүт. Онно 2-с кылааска үһүөн биир каютаҕа
миэстэ ыллыбыт. Миигин дьахтар киһи диэн диваҥҥа сытыардылар, Петр
Петрович синньигэс кушеткаҕа, Георгий үөһээ ороҥҥо. Эйэлээх баҕайы-
тык айаннаабыппыт, үөрэ-көтө сэһэргэһии дэлэй этэ. Ол саҕана, Сталин
өлбүт сылыгар хаайыылаах бөҕө амнистияланан, босхолонон дойдулары-
гар баран иһэллэрэ, Георгий Васильевич үксүн биһигини баһылыыр, сүбэ-
лиир, сээкэйи уорар туекун элбэх буолуо диэн сэрэтии бөҕө, киирии-тах-
сыы барыта сэрэх бөҕөнөн уочаратынан сылдьарбыт. Харчы кыттыһан, аарат-
тан атыылаһан, хоспутугар аһыыбыт. Тимир суолга эмиэ биир купеҕа
айаннаабыппыт. Тохтобулга Георгий Васильевич урут суурэн тахсан ки-
лиэп, арыы, күөх луук, хаһан эмэ балык, эт атыылаһа охсон киирэрэ.
Биһиги икки Бэстэрикиэп убай-балыс курдукпут, наар киһибит ха-
маандатынан сылдьабыт. Урукку өртугэр соҕуруу дойду диэни кере илик,