Page 40 - Бэстэрикиэптэр. Олох салҕанар

Бэстэрикиэптэр. Олох салҕанар

уһун айаҥҥа сылдьыбатах дьоҥҥо сонун син элбэх. Москваҕа дылы уһун
айан суолугар араас куораттары, станциялары аастыбыт. Салгыахпытыгар
дылы айаннаан баран Москвабытыгар дьэ тиийдибит.
Онно Георгий Васильевич урут сылдьыбыт киһи, аҕа табаарыс, эмиэ
бас-көс буолар. Бүөтүр биһиги батыһа сылдьабыт. Онно биллэхпинэ Петр
Петрович сүрдээх чычаас, мэнээк бэрдимсийбэт, боростуой табаарыс-
тыы сыһыаннаах. Миэхэ тугу билбитин кэпсиир. Москваҕа оскуолаҕа
түстүбүт, хас да хонукка араас экскурсияларга сырыттыбыт. Биир осто-
лобуойга аһаатыбыт. Ханна туох буоларын Бүөтүр миэхэ этэн иһэр. Ол
курдук уонча хонуктаах экскурсия өр-өтөр буолбакка бүттэ. Петр Петро­
вич онтон дойдутугар төнүннэ. «Кэбис мин төттөрү дьиэбэр-уоппар
төннөбүн, уопсай өйдөбүлү ыллым», —диэтэ.
Биһиги атаардыбыт. Онно мин дойдубуттан илдьэ кэлбит Кавказка
20 хонукка күүлэйдиир путевкабын Георгий Васильевич хаайан туран:
«эн Ленинграды баран көр, мин путевкабынан» — диэн путевкаларбытын
атастаһан мин Ленинградка барбытым, ол туспа кэпсээн.
Петр Петрович биһиги Орто-Эбэ оскуолатыгар 7 сыл бииргэ үлэлээ-
биппит. Онно мин 2 сыл завучпун, 3 сыл директорбын. Онтон ыалдьан
эмкэ барбытым. Ол иннинэ 2 сыл учуутал институтугар үөрэнэрбэр дьо-
нум Орто-Эбэҕэ олорбуттара. Хайа да түбэлтэҕэ тыл-тылга киирсибэтэх
эҥин түбэлтэбит суоҕа. Ол оннугар араас көрүдьүөстээхтик үөрэ-көтө
сылдьыбыт түбэлтэлэрбит элбэх этилэр.
Биирдэ Арыылаахха колхозтаахтар хайа эрэ кыһыҥҥы бырааһынньык-
ка аһылык тэрийдилэр. Эт соккуойун сиир кэмҥэ арай туох эрэ топ-
тобугурас тыаһа буолла. Өйдөөн көрбүппүт Бүөтүрбүт сиэбигэр илдьэ
сылдьыбыт ыраас, саҥа бөрүөнү ылан тэриэлкэҕэ ууруллубут эттэн топ-
топ тоҥсуйан хомуйан сии олорор эбит. Оччолорго биилкэ тиийбэт
буолан сорохтор ньуосканан, ким илиинэн, кини бөрүөнэн туттубуту-
гар күлсүү буолбуттаах.
Күһүн аайы атырдьах ыйынааҕы мунньахха Бороҕоҥҥо бииргэ айан-
ныырбыт. Сороҕор тэлиэгэлаах аттанабыт. Сороҕор ыҥыыр атынан
табалаһан сатыы аҥардаах айанныыбыт.
Суол устатын тухары сэһэн-кэпсээн, эйэ дэмнээх сырыылар. Эдэр
эрдэххэ үчүгэй да кэмнэр баар буолаллар этэ! Олоххо, үлэҕэ табыл-

36