Page 49 - Бэстэрикиэптэр. Олох салҕанар

Бэстэрикиэптэр. Олох салҕанар

бит, кинилэр мунаахсыйалларыгар, ыйытыыларыгар хоруйдаан, бы-
һааран биэрэрбит.
Мин мэлдьи дьиэм тас үлэтин барытын бэйэм көрүнэр буолан хаһан
да наҕылыйар кыаҕым суоҕа. Ийэм наһаа кырдьаҕаһа, оҕолорум киһиэхэ
көмөлөһөн абыраабат, бары кыра этилэр.
Онтон калин, элбэх кэм ааспытын кэннэ мин үс оҕобун илдьэ Бэйди-
ҥэнэн, Өлтөҕүнэн, Бороҕонунан күүлэйдии тахсыбытым. Онно Петр Петро-
вичтаах хайы-үйэ уон оҕоломмуттар этэ. Оскуола таһыгар тохтоон, кини-
лэргэ ыалдьыттыы киирэ сырыттыбыт. Икки обургу соҕустара - уолаттар
иккиэн биир дьүһүннээх килэйээҥки фартуктаах дьиэҕэ сээкэйи хомуйа
сылдьаллар этэ. Сотору соҕуһунан эмиэ кинилэр остуолга иһит, ас тардан
бардылар.
Дьиэ иһигэр итинник бэрээдэги аан бастаан көрөммүн, сөхпүтүм да-
ҕаны, биһирээбитим даҕаны. Ким кэнниттэн кимнээх дьуһуурунайдыыл-
ларын билэр дьон буоллулар кыралара даҕаны, тугу оҥоруохтаахта-
рын миэхэ кэпсээн биэрдилэр. Онон туох да этитиитэ-соруттарыыта суох
эбээһинэстэрин чопчу толороллор эбит. Бу наһаа үчүгэй иитии.
Петр Петрович хайа да директордааҕар уһуннук бу оскуолаҕа
үлэлээбитэ. Оҕолорун үөрэтиигэ, иитиигэ, оскуола хаһаайыстыбатын кэ-
ҥэтиигэ, бөҕөргөтүүгэ элбэх сыратын биэрбитэ. Онон оскуола кини аатын
сүкпүтүн биһириибин.
Петр Петрович уонна Мария Петровна өссө биир үтүөлээхтэр.
Оройуоннарыгар, нэһилиэктэригэр, республикаҕа уон үтүөкэн үлэһит дьо-
ну-оҕолорун бэлэхтээтилэр. Олоро эбии тэнийэн халыҥ аймах буолан
саха саҥалааҕы элбэтэллэр:
1. Петр - үтүөлээх артист, Улан-Удэҕа культура институтун, Моск-
ваҕа үрдүкү режиссерскай курсу бүтэрбитэ.
2. Василий - аатырар суоппар, Үлэ албан аата орден кавалера.
3. Филипп - СГУ-ну бүтэрбитэ. Россия журналистарын Союһун чилиэ-
нэ, Саха Республикатын бэчээккэ уонна сонуннары киэҥник тарҕатар
средстволарын Департаменын директории солбуйааччы, политолог.
4. Николай - СГУ тыа хаһаайыстыбаннай факультетын бүтэрбитэ,
бааһынай хаһаайыстыба баһылыга, зооинженер.
5. Никифор - орто үөрэхтээх механик, учуутал.
45