Page 64 - Бэстэрикиэптэр. Олох салҕанар

Бэстэрикиэптэр. Олох салҕанар

Киһини үрүҥ-хара үлэһит диэн араарбата, тиийбэт-түгэммэт
оҕолорго болҕомтолооҕо. Сорох оҕолор Чирэпчи диэн сайылыктан кэ-
лэн үөрэнэллэрэ, тымныы бириэмэҕэ оскуола дуу, интернат дуутулууп-
тарын уларсан кэтэрдэн ыытара. Оччолорго массыына суоҕун кэриэ-
тэ этэ. Петр Петрович оройуоҥҥа мунньахха куруук атынан сылдьара.
Кэргэнэ Мария Петровна Иванова сүрдээх хорсун үлэһитэтэ. Интернак-
ка, оскуолаҕа завхоһунан үлэлиирэ, элбэх оҕолоохпун диэн олорботоҕо,
бары үлэни дьаһайсыбытынан сылдьара, оскуола олбуора уурбут-туппут
курдук бэрээдэктээх буоларын ситиһэрэ.
1960 сыл күһүнүгэр Орто-Эбэ оскуолата начальнай буолбута, биһиги
Бэйдиҥэҕэ саҥа оскуола тутуллан онно көһөн үлэлии кэлбиппит. Петр
Петрович партийнай тэрилтэ секретарынан үлэлиирэ, олохтоох Совет
депутатынан талыллан элбэх үлэни ыытыһара, нэһилиэнньэ олоҕо туп-
сарын туһугар элбэх боппуруостары быһаарыыга кырдьаҕастары кытта
элбэхтик сүбэлэһэрэ. Арыылаах биригээдэтигэр Саввин Н.А., Артамонов
А.И., Артамонов П.В., Охлопков П.В. курдук төһүү үлэһиттэр, салайааччы-
лар бааллара.
Мин Петр Петровичтыын биир эрэ сыл улэлээбитим, ол да буоллар
биир нэһилиэккэ олорорбутунан куруутун көрсөрбүт. 1982 сылга Өлтөх
Советын председателынан талыллан улэлиир кэммэр, Петр Петрович
араас партийнай сорудахтары толороро, быыбардары ыытыыга солбул-
лубат председателинэн буолара. Өр сылларга партийнай үөрэх пропа-
гандиһа этэ, эмиэ да оройуон хаһыатын страницаларыгар улэ-хамнас
туһунан ыстатыйалары бэчээттэтэрэ.
Мунньахтарга сырыттаҕына дьоннор этиилэригэр болҕомтолоохтук
сыһыаннаһара, бэйэтин этиитин кимиэхэ да соҥнообото, сөптөөх быһаа-
рыыны ылыныыга кини этиитэ ыйааһыннаах буолара. Мин бастакы ди-
ректорым, наставнигым, коллегам, үөрэппит оҕолорум аҕаларын туһунан
кылгас ахтыым итинник.
М . Е . К О Л О Д Е З Н И К О В А ,
С Р үө рэҕириит ин т уйгуна, ү р д ү к кат егор и ял аах учуут ал,
Р Ф ж ур нал ист ары н С о ю һ у н ч и л и э н э ,
Өлтөх н э һ и л и э г и н бочуоттаах г р а ж д а н и н а ,
2 0 0 2 с ., ку л у н тутар. Д ь о к у у с к а й куорат .
60