Page 59 - Бэстэрикиэптэр. Олох салҕанар

Бэстэрикиэптэр. Олох салҕанар

сыарҕалаах оҕуһунан кэлбитигэр кинилиин аргыстаһан Орто-Эбэлээтим.
Оччотооҕу тыа килбик-симик оҕото төһө да институт үөрэхтээх үлэһит
буолбутум да иһин, ханнык да хотоойу санаата суох киһи, учууталлыы
диэн ааттаан, кылаас сурунаалыттан улахана суох суумка тутуурдаах
Орто-Эбэ халдьаайытыгар биирдэ баар буола түстүм.
Оо, мин үөскээбитТүүлээхпэр холоотоххо: киэҥэ-куоҥа, сирэ көнөтө,
үтүө да дойдуга кэлбиппин! Оскуолаҕа тиийбиппэр сүрдээх сытыары-
сымнаҕас сирэйдээх-харахтаах, намыһах унгуохтаах, бэрт көнө-судургу
майгылаах буолуон сөп киһиэхэ сирдээтилэр. Киһим миигин моһуйа-
туоһулаһа барбакка, үөрэ-көтө көрсөн, эмиэ мин курдук саҥа үлэлии
кэлбит учуутал кыргыттарга сыһыаран олохтообута. Ити 1954 сыллаахха
атырдьах ыйын бүтүүтэ этэ.
Ханнык баҕарар эдэр үлэһиккэ кини инники дьылҕатыгар хайдах кол-
лективка, ханнык салалтаҕа түбэһэн үлэлиирэ быһаарар суолталаах. Ити
өттүнэн ыллахха, мин Орто-Эбэ оскуолатыгар үлэлээбит сылларым, ин­
ники үлэбэр төһүү-төрүөт буолтара.
Орто-Эбэҕэ Петр Петрович Пестряков салалтатынан 6 сыл саха ты-
лын уонна литературатын үөрэппитим уонна 2 сыл начаальнай кылаас
учууталынан үлэлээбитим.
1960 сыллаахха диэри биһиги оскуолабыт ити эҥэр нэһилиэктэргэ
соҕотох 7 кылаастаах этэ (Бэйдиҥэ, Сыырдаах оскуолалара начальнай
этилэр). Методическай холбоһуктар үлэлэрин биһиги оскуолабыт
сүрүннүүрэ. Үөһэ ааттаммыт оскуолалар оҕолоруттан үгүстэрэ үөрэхтэ-
рин салгыы биһиэхэ кэлэллэрэ. Бары предметтэргэ ыкса сибээһи туту-
һарга оскуола уоппуттаах учууталлара үөрэтэллэрэ, ону директорбыт кы-
таанахтык ирдиирэ.
Курбуһах, Орто-Эбэ, Бэйдиҥэ, Сыырдаах оскуолаларыгар аһаҕас
уруоктарга, методическай ааҕыыларга сылдьарбыт, сүбэ-ама ыларбыт.
Орто-Эбэ оскуолатын коллектива наһаа түмсүүлээх. Эдэр да, эмэн
да диэн туора турбакка бары үлэҕэ активнайдык кыттарбыт, обществен-
най ноҕоруусканы да биэрэллэрэ. Мин оскуолаҕа комсомольскай тэ-
рилтэ секретарынан, пионербаһаатайынан, ардыгар учкому салайаач-
чынан үлэлиир этим. Биллэн турар, үлэм барыта “туйгун” этэ диэбэппин.
Сыыһа-халты да ханна барыай, алҕастардаах да буоллаххына, Петр Пет-
55