Page 62 - Бэстэрикиэптэр. Олох салҕанар

Бэстэрикиэптэр. Олох салҕанар

ка биһиэхэ Орто-Эбэҕэ кэлэллэрэ. Биһиги төрөппүттэри көрсө, мун-
ньахтыы учаастактары кэрийэрбит. Онно барарбытыгар Петр Петрович
кими кытта хайдах кэпсэтиэхтээхпитигэр тиийэ үөрэтэрэ. «Ити ыал со-
ҕотох оҕото, саамай аччыгыйа, ити төрөппүт араанньылаах, сэрии вете­
рана, кини олус ыарыһах...» диэн төрөппүттэри сырдатара. Тымныыга
таҥаспыт суоҕа, сорохпут хаатыҥката суох кыстаабыта, онон барарбы­
тыгар интернат оҕолорун таҥаһыттан уларсан, таҥыннаран ыытара. Уоп-
сайынан, бука барыбытыгар аҕа курдук сыһыаннаһара.
Оччотооҕу кэмҥэ оскуола туох баар агитационнай үлэ киинэ буола-
ра. Учуутал общественнай үлэтэ олус элбэҕэ. Барытыгар көҕүлээччи-
нэн, тэрийээччинэн директорбыт Петр Петрович эта.
Күһүҥҥү хомуур үлэтэ, сааскы уокка оттор маһы бэлэмнээһин,
Өлүнньэхтээххэ телефон линиятын остуолбатын хаһыы, Бэйдиҥэҕэ ыһыах-
тыыр сири оҥоруу, колхоз ыччаттарын кытта оҕолортон хамаанда тэри-
нэн спорт араас көрүҥнэригэр күрэхтэһии, онтон да атын үлэлэр, ордук
быыбар агитацията Петр Петрович тэрээһинэ суох барбаттара.
Күһүн Арыылаах халдьаайытыгар сиэмэ ыраастааһыныгар кыргыт-
тар молотилканы илиинэн кыайан эрийбэккэ турдахпытына, кини күүстээх
киһи аатыран, көмөлөһө турара бу баарга дылы. Сыыстахпытына, хай­
дах эрэ сымнаҕастык, ылыннарыылаахтык сүбэлиирэ. Биирдэ волей­
бол күрэхтэһиитигэр Бэйдиҥэҕэ биһиги оскуолабыт оҕолоро колхоз ыч-
чаттарыныын киирсиилэригэр «ыалдьан», үөрэтэр оҕолорбутун мунньан
арааһа наһаа хаһыытаатахпыт буолуо: «Эһиги учууталларгыт, барыты­
гар холобур буолуохтааххыт», - диэн сэмэлээбитин өйдүүбүн.
Киэргэнэрин сөбүлээбэтэ, дьиэҕэ кэтэр таҥаһынан бырааһынньык-
ка да, мунньах да ыыта баран хаалара. Ону эттэхпитинэ, сарсыҥҥыты-
гар: «Кыргыттарым сэмэтин ылынным, көстүүммүн кэтэн кэллим», - дии-
дии сиэркилэ иннигэр аҕыйах баттаҕын тараан да тараан буолан күллэр-
тиирэ. Петр Петрович наһаа эйэҕэс, аҕалыы аһыныгас, үлэҕэ ирдэбил-
лээх үтүөкэн үлэһит киһи этэ.
М а р и я Д м и т р и ев н а С Т Р Е К А Л О В С К А Я ,
1 9 5 4 -5 8 с ы л л ар га О рт о-Э бэ оскуолат ы гар
м ат ем ат иканы , ф и з и ка н ы үөрэппит учуут ал,
1 9 9 7 с . Б о р о ҕ о н сэл иэнньэт э.
58