Page 60 - Бэстэрикиэптэр. Олох салҕанар

Бэстэрикиэптэр. Олох салҕанар

рович мөҥө-этэ, сыһа-соһо сылдьыбат үтүө салайааччы эта. Нэһилиэккэ
ыытыллар субботниктарга активнайдык кыттарбыт, Дьампыга да сатыы
баран улэлэһэр буоларбыт.
Маҥнай үлэлиир сылларбытыгар балачча саастаах оҕолор баалла-
ра. Кинилэр үлэҕэ-хамнаска, бэрээдэккэ көмөлөһөөччүлэринэн буолал-
лара. Оҕо үксэ үөрэххэ наһаа кыһаллара, холобурга сылдьар оҕо эл-
бэҕэ. Кинилэртэн үтүөкэн үлэһиттэр иитиллэн тахсыбыттара. Бу - аҕа
көлүөнэ учууталлар уонна директор Петр Петрович утумнаах улэлэрин
тумугэ эта.
Биһиги үлэлиирбит саҕана Орто-Эбэҕэ, Арыылаахха кулууп суоҕа.
Бары культурнай мероприятиелар оскуолаҕа ыытыллаллара. Олорго ба-
рытыгар учууталлар активнай кыттыыны ыларбыт, уус-уран самодеятель-
носка, Саҥа Дьыллааҕы маскарадка, көргө-нарга, үҥкүүлэргэ кыттар­
быт, лектордар этибит. Хор, Петр Петрович бу улэлэргэ барытыгар
бириэмэ ордорунан тэрийсээччи, көҕүлээччи буолара, оннооҕор маска­
радка киһи билбэт тына таҥнан соһутара. Оччотооҕу олох ирдэбилин
эҥкилэ суох толорор, холобурга сылдьар коммунист эта. Ол-бу содур
быһыыларга кыттыбатах, арыгы-хаарты, этиһии-иирсээн диэни билбэ-
тэх, дьиҥ уу-сахалыы толкуйдаах, чел олохтоох үтүөкэн киһи, аҕа,
салайааччы эта.
Петр Петрович кэргэнинээн Мария Петровналыын элбэх оҕону
төрөтөн-иитэн, идэлээх үлэһиттэр оҥортоон олох суолугар уктэннэр-
биттэрэ. Кинилэр биир үтүө хаачыстыбаларынан оҕону олус таптыылла-
рын чорботон этиэхпин баҕарабын.
Оҕолорго барыларыгар өрүү болҕомтолоохтук сыһыаннаһаллара, ха-
һан да мөҥө-этэ сылдьыбат этилэр. Киһи сөҕөрө баар - бэйэлэрин
уонча оҕолорун таһынан Дьампыттан, Курбуһахтан кэлэн үөрэнэр хас
да оҕону бэйэлэригэр олордон үөрэттэрэллэрэ. Дьоҕус дьиэлэригэр
бары-барыта орун оннугар бэрээдэктээх, ып-ыраас буолара. Соҕотох
бу да холобур элбэҕи этэр, кинилэр айылҕаттан айдарыылаах иитээч-
чилэр уонна төрөппүттэр этилэрин.
Петр Петрович уонна Мария Петровна кэргэннии олохторугар ил-
лээх-эйэлээх, дириҥник ытыктаһар-таптаһар дьиэ кэргэн Аҕа баһы-
лыга, Далбар Хотуна этилэр.
56