Page 71 - Бэстэрикиэптэр. Олох салҕанар

Бэстэрикиэптэр. Олох салҕанар

тал уо.д.а. Петр Петрович начальнай кылааска үөрэнээччилэр чиҥ билиини
ылалларыгар өрүү кыһаллара, ирдиирэ. Оччолорго начальнай кылаас­
ка кыһамньылаах учууталлар: Е.Н.Николаева, И. В. Воронова, С. И. Аммо­
сов, М.И.Алексеева үлэлээбиттэрэ. Кинилэр үлэлэригэр өрүү болҕомтотун
уурара, субэ-ама биэрэрэ. Мин туе улэбэр Петр Петрович элбэҕи көмөлөспүт
салайааччы. Методическай өттүнэн сөптөөх көмөнү биэрэр эбит. Учуутал­
лар уруоктарыгар мэлдьи сылдьара. Онон уруокка бэлэмнээх кэлэри хон-
туруоллуура, ирдиирэ. Оскуолаҕа кини дьаһалынан “Тыыннаах муннук” тэ-
риллэн сүрдээх үчүгэйдик үлэлээбитэ. Кэлин оскуола көһөн от, бурдук
суох буолан эһэргэ күһэллибиппит. Бу муннук уерэнээччилэргэ учугэй эрэ
өйдөбүлү хаалларбыт буолуохтаах. Миэхэ саҥа үлэһиккэ, учуутал уустук
улэтигэр киирэрбэр элбэх субэни биэрэрэ. Кини уруоктарыгар сылдьан,
кини уруогу ыытар методикатын биһирээн, бэйэм улэбэр тутта сатыырым.
Холобур, киэҥ холку чуолкай куолаһынан уруогу быһаарара. Биирдэ да,
уерэнээччини хомуруйар тылы туттубат этэ. Уруокка холобурдары, тэҥнээн
көрүүнү, схеманы, көрдөрөн үөрэтэр пособиены үгүстук туһанара. Уруокка
сылдьан баран, сүрдээх үчүгэйдик ылыннарыылаахтык быһаарара. Сыы-
һаҕын чуолкай этэр буолара, кини уруокпун сирбэтэҕинэ, куус-уох ылбыт
курдук буоларым. Онон Петр Петрович сөбүлүүр, астынар салайааччым
этэ. Нэһилиэк да дьонугар улахан авторитеттааҕа. Улахан дьиэ кэргэн аҕата,
үлэһит, сүбэһит, бастьит майгылаах киһи этэ. Кэргэнэ Мария Петровна
сатабыллаах хаһаайка, эйэҕэс, сайаҕас күндү ийэ. Сүрдээх эйэлээхтик
олорбуттара. Мария Петровна кыһалҕалаахха көмөлөһөр, киэҥ-холку
көҕүстээх герой ийэ. Оҕолорун араас үлэҕэ бииргэ үлэлэтэрэ. Таҥас
сууйуута, дьиэ хомуйуута, килиэп оҥоһуута - барытыгар көмөлөһөр этилэр.
Уон оҕотун көрөрүн таһынан, Мария Петровна интернакка иитээччинэн, зав-
хоһунан үлэлиирэ. Ону эҥкилэ суох толороро. Ол да иһин, оҕолоро бары
үөрэхтээх, үчүгэй үлэһит дьон буоллулар, үрдүк, орто анал үөрэхтэнэн,
араас идэлэри баһылаан ситиһиилээхтик үлэлии сылдьаллар. Бу да эл-
бэҕи этэр. Бастакы директорбар махталым улахан, кини ыллык суолбун
ыйан мин 30-ча сыл идэбинэн таһаарыылаахтык үлэлээн кэллим. Ол кини
үтүөтэ дии саныыбын.

А н н а Я ко в л е в н а К О Л О Д Е З Н И К О В А ,
п е д а г о г и ч е с к а й ү л э вет ерана.

5* 67