Page 74 - Бэстэрикиэптэр. Олох салҕанар

Бэстэрикиэптэр. Олох салҕанар

Оттон Бэстэрикиэптэр уолаттара иһит, таҥас, дьиэ сууйсалларын ыаллыы
олорбут буолан билэбин.
Дьонум Бэстэрикиэптэр уолаттара барыны бары сатыыллар, онноо-
ҕор иһит, таҥас сууйаллар диэн маҥнай дьиктиргээн-дьиибэргээн, кэлин
холобур тутта этэллэрин үгүстүк истэрим. Кинилэр дьиэлэригэр хаһан да
сырыт, мэлдьи бэрээдэктээх, ыраас, ис-тас өртө хомуллуулаах буолар.
Итиннэ даҕатан биир тугэни ахтыым. Сыырдаах оскуолатыгар улэлии
олордохторуна айаҥҥа хаайтаран хонон турардаахпын. Арай сарсыарда
турбутум олох аҕыйах бириэмэ иһигэр туох да угус этиттэриитэ суох дьиэ-
уот хомуллан хаалла. Ол курдук ким балтыларын баттаҕын өрөр, ким иһит
сууйар, ким орон хомуйар, ким дьиэ сууйар, барыта орун оннугар уонна
үөрэнэ таҕыстылар. Испэр олус диэн сөҕөн эрэ кэбистим.
Мария Петровна интернакка үлэлиирин өйдүүбүн. Интернакка биирдэ
эмит наадаҕа сырыттахха ып-ыраас хостор, таҥас-сап, бэл сыттык хаа-
лыын быысапкалаах буолара. Аҥардас итинэн да киһи кини улэтигэр
хайдах сыһыаннааҕын сыаналыан соп дии саныыбын.
Мария Петровна дьоҥҥо-сэргэҕэ үлэһит эрэ киһи быһыытынан буол-
бакка, олус аламаҕай, киһиэхэ үтуөнү эрэ оҥоро сатыыр дьонтон биир-
дэстэрэ буолар. Кини оскуола наадатыгар куораттыыр буоллаҕына ыал-
лары кэрийэн ким туохха наадыйарын сураһан-ыйыталаһан киирэр этэ.
Ити курдук ыйытапаһа сылдьарын мин бэйэм хаста истэн турардаахпын,
билигин саныы-саныы сөҕөбүн эрэ. Олус да ураты айылгылаах киһи эбит.
Ол иһин даҕаны Орто-Эбэ, Арыылаах эдэр, кырдьаҕас дьахталлара
киниэхэ субэлэтэ-амалата, ыалдьыттаан, сорох кэмнэргэ анаан-минээн
көмөлөһөн кэлэллэрэ, кинини олус ытыктыыллара, убаастыыллара.
Бу икки үтүө дьон өйдөрүн-санааларын, билиилэрин-көрүүлэрин оҕону
иитиигэ анаабыт, нэһилиэнньэ олоҕор сүбэ-ама, күүс-көмө буолбут, уон
оҕону төрөтөн улаатыннаран үлэһит оҥорбут, кылгас да буоллар кинилэр
чаҕылхай олохторо инники көлүөнэҕэ үтүө холобур буола туруохтун!
Өр сыл олорбут, үлэлээбит Орто-Эбэтин, Арыылааҕын дьоно Петр Пет­
рович Пестряковы дьонугар-сэргэтигэр утүөтүн-өҥөтүн сыаналаан, кини
аатын эдэр ыччаты биһиктээн, иитэн-үөрэтэн таһаарар Арыылаах орто
оскуолатыгар туруорсан бэрдэрдилэр. Бу буолар киһи олорбут олоҕун,
үлэтин-хамнаһын сыанабыла!

70