Page 73 - Бэстэрикиэптэр. Олох салҕанар

Бэстэрикиэптэр. Олох салҕанар
Ытыктанар ыал

(К и э н туттабыт)

Бэстэрикиэптэр!.. Кинилэр тустарынан оҕо да
сылдьан, кэлин даҕаны дьон-сэргэ киэн тутта, ытык-
табыллаахтык кэпсиирин мэлдьи истэбин.
Кырдьык даҕаны итинник ытыктанан ааттанааччы
ыал аҕа баһылыга, бэйэтин сырдык олоҕун тыа си­
рин ыччатын иитиигэ-үөрэтиигэ анаабыт Саха АССР
үтүөлээх учуутала, РСФСР норуотун үөрэҕириитин
туйгуна Пестряков Петр Петрович буолар.
Мин Петр Петрович Орто-Эбэ сэттэ кылаастаах
оскуолатыгар директорынан улэлээн олорбут кэм-
нэриттэн бэйэм өйбөр-санаабар олус чаҕылхай өйдөбүл буолан хаалбыт
сорох өрүттэриттэн ахтан аһарыахпын баҕарабын.
Кини, билигин санаатахпына, оҕону олох кыра эрдэҕиттэн үлэҕэ иитии,
уһуйуу үлэтин араас өрүттэрин сатабыллаахтык, тэрээһиннээхтик
салайан ыытар эбит. Оччотооҕуга Марыга оҕуруот аһын арааһын үүннэ-
рэллэр этэ, ону оскуола оҕото күһүн хомуйара. Онно массыынанан
тиэйэн илдьэн, итии аһынан аһатан, күрэхтэһиннэрэн үлэлэтэллэрэ. Үлэҕэ
оҕону сааһынан көрөн, салгыппат гына үлэлэтэллэрэ. Аны оскуола сыл
тахсар кыһыҥҥы оттук маһын бэйэтэ бэлэмниирэ. Биригээдэ долгучуо-
гунан киллэрэн биэрбитин оскуола оҕото барыта кыттан 2-3 хонук иһигэр
илиинэн эрбээн, хайытан, саһааннаан, маһын сыыһын хомуйан кэбиһэр
этибит. Биһиги кыралар мае саһаанныырбыт. Интернат остолубуойугар
олус да минньигэстик аһаталларын өйдүүбүн. Итинник субуотунньуктар-
га кыттарбын олох бырааһынньык курдук саныыбын. Ол курдук үлэни
олус көхтөөхтүк, бэл, кыра оҕо санаатын табан тэрийэллэр эбит.
Петр Петрович бэйэтин олоҕун аргыһынаан Мария Петровналыын
уон оҕону төрөтөн, иитэн, үөрэттэрэн олох суолугар үктэннэрбиттэрэ. Бу
бэрт иллээх-эйэлээх дьиэ кэргэн оҕону дьиэҕэ-уокка иитиигэ, үлэҕэ
уһуйууга нэһилиэнньэҕэ биир үтүө холобур буолара саарбаҕа суох. Оч-
чолорго үгүс ыал өйүгэр-санаатыгар уол оҕо дьиэ тас үлэтигэр, оттон
кыыс оҕо дьиэ ис үлэтигэр эрэ көмөлөһүөхтээх диэн өйдөбүл баара.
69