Page 72 - Бэстэрикиэптэр. Олох салҕанар

Бэстэрикиэптэр. Олох салҕанар

Кинини өрүү өйдүүбүн

Мин 1965-66 үөрэх сылыгар Орто-Эбэ оскуолатыгар начальнай
кылаас учууталынан ананан кэлбитим. Оччолорго оскуола директорынан
П.П.Пестряков үлэлии олороро. Оскуолабытыгар оҕолор 1-1\/ кылааска
уерэнэллэрэ уонна 40-тан тахса бытаан сайдыылаах оҕолор бааллара.
Начальнай кылаас оҕолорун, ити сыл балаҕан ыйыгар арааран
Арыылаахха кулууп дьиэтигэр көһөрбүттэрэ. Онтон ыла Арыылаах на­
чальнай оскуолата диэн ааттанан 25 сыл устата улэлээбиппит. Мин
П.П.Пестрякову кэлиэхпиттэн ыла билэбин. Киһи мааныта-талыыта, өйө-
санаата ырааһа-кэрэтэ, үлэни-хамнаһы кыайара, дьиҥнээх учууталлар
учууталлара эбит диэн сыаналыыбын.
Оччолорго «политуерэх» диэн куруһуок оскуолаларга баара. Кини ону
салайара, биһигини үөрэтэрэ, үлэҕэ-хамнаска такайара, үгүһү сүбэлиирэ,
ыйара-кэрдэрэ. Ити кэмҥэ «агитатордар» диэннэр нэһилиэнньэ ортотугар
үлэлииллэрэ. Олортон биирдэстэрэ мин этим. Олорор сирдэринэн, ку-
луупка, фермаларга, отчуттарга бэсиэдэ ыыттарара, үлэтуругун көрө-истэ
бэрэбиэркэ оҥоттороро. Биир кэмҥэ нэһилиэк Сэбиэтин депутаттара
буола сылдьыбыппыт. Биирдэ да киниттэн сэмэни-суҥханы истибэтэҕим,
олустапсан үлэлиир этибит. Мин тус бэйэм кини 2 кыра оҕолорун үөрэп-
питим. Петр Петрович урукку салайан ыыппыт үлэтэ-хамнаһа, төрөппүттэ-
ри, уөрэнээччилэри кытта сыһыана, оскуола ис-тас үлэтигэр ирдэбилэ
билиҥҥи олоххо олох чугас сыһыаннаах эбит.
Олохтоох бэйэни салайыныы, оскуола производстваны кытта сибээ-
һин бөҕөргөтүү, бэйэни аһынан-үөлүнэн хааччыныы - билигин санаатах-
ха, тугунан да кэмнэммэт улахан ис хоһоонноох дьаһал эбит Петр Пет­
рович биир үтүөтинэн интернат-оскуоланы астаран, дьону үлэнэн хаач-
чыйан бөһүөлэги эстэртэн быыһаабыта буолар. Ол да иһин Арыылаах,
Орто-Эбэ дьоно-сэргэтэ киниэхэ махталлара улахан, кини туһунан
куруутун үтүө тылларынан ахталлар.

В .Н .Д А Н И Л О В А ,
норуот уөрэҕириит ин туйгуна.
А р ы ы л а а х , 2 0 0 1 сы л.
68