Page 81 - Бэстэрикиэптэр. Олох салҕанар

Бэстэрикиэптэр. Олох салҕанар

Кини биһигини үһүс, төрдүс кылаастарга нуучча тылыгар үөрэппитэ.
Нуучча тылын билэрэ, баһылаабыта, ыраастык саҥарара били, этэргэ
дылы, “ыраахтан” биллэрэ, сороҕор, биһиги өйдөөбөтөхпүтүнэ (оннуктүгэн
да элбэх буолара) ”Оо, доҕор, бу киһи даҕаны!” - диэт, сахалыы тылбаас-
тыы-тылбаастыы быһааран биэрэрэ мин өйбөр билигин даҕаны бу баар
курдук.
Мин аҕам оччолорго “Арыылаах” колхоз партийнай тэрилтэтигэр сек­
ретарь эта. Федот Павлович Желобцов диэн биһиги учууталбыт партияҕа
кандидатынан киирэр докумуоннарын нууччалыы толорбутун, аҕам Петр
Петровиһы ыҥыран, көрдөһөн көрдөрбүтүн үчүгэйдик өйдүүбүн. Бука, бэ-
рэбиэркэлэттэҕэ эбэтэр тылбаастаппыта буолуо. Онно, оҕо санаабар,
Петр Петровичтан улаханнык саллыбытым уонна киниэхэ убаастабылым
өссөулааппыта. Петр Петрович учуутал суруйбут суругун көрөр, көннөрөр,
бэрэбиэркэлиир кыахтаах улахан киһи эбит дии санаабытым.
Пестряковтар аллараа оскуола таһыгар учууталлар уопсайдарыгар
олорбуттара. Петр Петрович киэһэ аайы, арааһа, киэһэ аһылык кэнниттэн
бадахтаах, үөһэ Мааппа эмээхсиннээххэ хайаан да тахсан, “киэһээҥи об­
ходу” оҥорон, күлэн-оонньоон, кэпсэтэн-ипсэтэн барар этэ. Ордук биһиги
таайбытын Говоров Иннокентий Михайловичтыын (Тарбах) олустапсан элэк-
тэһэн кэпсэтэллэрэ, оонньууллара. Иккиэн да сытыы өйдөөх, тыллаах,
көрдөөх, бэһиэлэй, нууччалыы эттэххэ, улахан юмордаах дьон этилэр.
Учуутал диэтэххэ, киһи быһыытынан боростуойа, элэккэйэ тута ха-
рахха быраҕыллара. Онтуката кини тутта-хапта, таҥна, саҥара-иҥэрэ да
сылдьарыгар көстөрө. “Оҕону кытта оҕо, оҕонньору кытта оҕонньор”, -
диэн бука, кини туһунан этиэххэ сөп буолуо. Дьиэҕэ киирээт да, атын
дьон курдук, олоххо олорон дьоһумсуйан, “улуутумсуйан” олорон кэп-
сэппэт, сэһэргэспэт, кыра дьиэни эргиччи тула тура хаама, ону-маны
тутан, бигээн-кэмнээн, кыҥаан, көрө-ааҕа сылдьар буолааччы. Сороҕор,
холумтаҥҥа саҥа буһан тахсыбыт саха лэппиэскэтин быыкаайыктык эмти
тутан айаҕар уган ыас оҥостон ыстыан да себе.
Калин улахан кылаастарга үөрэнэ сылдьан, үлэһит да буолан баран,
учууталым Петр Петрович миигин, үөрэппит оҕото буоларбынан, бутэй-
дии астына көрөрүн, убаастыырын, сыаналыырын сурэхпинэн-быарбы-
нан билэрим, таайарым. Керустэр эра: “Хайа, брат, как дела? Так дер­
77