Page 86 - Бэстэрикиэптэр. Олох салҕанар

Бэстэрикиэптэр. Олох салҕанар

Өктөөп бырааһынньыгар ийэм Петр Петровиһы Мариятынаан ыалдьыт-
тата миигинэн ыҥыттарда. Оо, онно долгуйбуппун эриэхсит! Хайыам
баарай, сүүрэн тиийэн илдьит этээччи буоллум. Аан таһыгар туран
көрдөхпүнэ-иһиттэхпинэ оҕо бөҕөсаҥата ньамалас. Арай көрбүтүм, күп-
күөх харахтаах, бытыктаах, нуучча оҕонньоро бэттэх оһох таһыгар оло-
рор. “Кимиэхэ кэллиҥ” диэн ыйыппытыгар “Мин Петр Петровичка” диэн
нэһиилэ ыгыллаҥнаатым. Чочумча буолаат Петр Петрович кэлэн “Доор,
туохха кэллиҥ?” диэбитигэр “Икки чааска биһиэхэ Мария Петровналыын
тиийэр үһүгүт”,- диэт таһырдьа элэс гынан хааллым.
Бырааһынньык остуолугар биһигинньиктэр олорсуохпут дуо, хонтуо-
раҕа киирэн улахан төгүрүк хара араадьыйанан саатаан тахсыбыппыт.
Ол сыл Петр Петрович \/-\Л кылаастары нуучча тылыгар үөрэппитэ.
Ирдэбиллээх, миигинньик курдук мэниги өйүн-дьүүлүн начаас булларар
кытаанах учуутал эта. Мин, биир үксүн киниттэн толлон, нуучча тылын
сорудаҕын иннин-кэннин билиэхпэр диэри ааҕабын.
Лэс курдук киһи дуоскаҕа бадаархай буочарынан суруйарын,
кэпсиирин сыыс түһэрбэккэ истэбин. Уруок бүтүүтүгэр хатылаан ыйытар
угэстээх эта, онно туту тутан хаалбыппын тута кэпсиибин, изложениеҕа
“цепкэй памяттаах” буолан тылы көтүппэккэ суруйабын. Онон сороҕор
кылаас иннигэр мин уонна Иванова Зоя үлэлэрбитин ааҕан биэрэр этэ.
Дьэ, онно мин киһиргээн эргичиҥнээһин бөҕөтө.
Ити кэмнэртэн нуучча тылын 10 кылааһы бүтэриэхпэр диэри «4» сы-
ананан үөрэммитим.
1953 с. саас таһырдьа мае хайыта турдахпына эдьиийдэрим Мария,
Даша тахсан «Түргэнник киир, Сталин өлбүт» диэбиттэрин өйдөөн хаал­
быппын. Киирбитим - бары хара төгүрүк араадьыйа анныгар чуоҕуспут-
тар. Молотов тыл этэ турар, Син ону-маны өйдөөн иһиттим быһыылаах,
тахсан интернат диэки ойон кэбистим. Тиийэн ааны аһа баттаат «Оҕолоор,
Сталин өлбүт» диэн эрдэхпинэ Татаринов Николай Николаевич - воспи­
татель “Кругом марш“ диэн теттеру уурдэ - уруок ааҕа олорор бириэмэ-
лэрэ эбит. Сарсыныгар оскуолаҕа тиийбиппит таһырдьа хара лиэн-
тэлээх былаах умса ыйаммыт. Оскуола иһэ иһиллээбит курдук уу-чуум-
пу. Сценаҕа Сталин бюһун үрдүнэн хара лиэнтэлээх былаахтар ыйам-
мыттар. Оскуола оҕото бүүс-бүтүннүүтэ истиэнэни кыйа кэккэлээбит.
82