Page 83 - Бэстэрикиэптэр. Олох салҕанар

Бэстэрикиэптэр. Олох салҕанар

да мөҥө-этэ сылдьыбата, олус холкута, оҕону бэйэтигэр тардара. Мин
кини уруогар оҕолор мэниктээн, айдааран эрэрбитин өйдөөбөппүн. Ол да
иһин Орто Эбэ оскуолатын 70 сыллаах юбилейигэр үөрэммит оҕолор
кини туһунан элбэхтик ахтыһан, кэпсэтэн ахан биэрбиппит. Хаһан эрэ
кини туһунан ахтыы суруйуохпут диэн субэлэспиппит.
Петр Петровиһы олохтоох нэһилиэнньэ киһи быһыытынан олус ыраас,
аламаҕай дууһалааҕын, үөрэхтээх киһи, аҕа табаарыс буоларын, сүбэ-
тин-аматын иһин ытыктыыра. Өр сылларга пропагандистаабыта. Оччо-
лорго партия историятын үөрэтэрин өйдүүбүн. Кини дьиҥнээх коммунист
эта. Оччотооҕуга, улахан партийнай ирдэбил баар кэмигэр, халбаҥнаа-
бат, кытаанах коммунистартан биир бастыҥнара буолара. Мин отделе-
ниеҕа управляющайынан үлэлии сылдьан Петр Петрович сүбэ аҥардаах
этиилэрин олоххо, үлэҕэ элбэхтик туһаммыт киһибин. Кини хаһан да
түрдэстибэт, ыгымсыйбат, кытаанах, модьу санаалаах киһи этэ. Олус
сэмэйин, дьыалабыайын билэбин. Хаһан да үлэттэн эй диэн аккаас-
танан эрэрин өйдөөбөппүн. Уһун сылларга партбюро чилиэнэ буолары-
нан бииргэ алтыһан үлэлиир этибит. Мөккүөрдээх да боппуруостар баар
буолаллара, олорго үгүстүк быһааран, ей уган биэрээччи Петр Петрович
буолара.
Кини боростуой колхозтаах дьоҥҥо истиҥ, амарах сыһыаннаах киһи
этэ. Бэйэтин үөлээннээхтэрин кытта олус истиҥник көрсөрө, кэпсэтэрэ,
үөрэрэ-көтөрө. Көр-күлүү кэпсээннээҕэ. Бэйэ-бэйэлэрин дьээбэлэһэл-
лэрин истэрим. Ол барыта олус истиҥник санаһалларыттан эбит. Арыы-
лаах бөһүөлэгэр кини тэҥ саастыылаахтара биригэдьиир Николай Ар­
сентьевич Саввинныын, атыылааччы Иннокентий Михайлович Говоров-
тыын, колхозтаах Константин Алексеевич Бурнашевтыын бары биир кэмҥэ
түбэсиһэн үөрэ-көтө кэпсэтэ, оонньуу-көр тылларынан бырахсан, күө-
дьаа буола туралларын үгүстүк көрөрүм. Бу кэлин кырдьан иһэн санаа-
тахпына, олус да иллээх, бэйэлэрин ытыктаһар эбиттэр.
Петр Петрович мин үрдүк үөрэхтээхпин, билиилээхпин диэн хаһан да
дьонтон чорбойо сатаабатын биир чаҕылхай туоһута итинтэн да көстөр.
Ыалга киирэн кэллэҕинэ: бу сэһэнин, ис-иһиттэн үөрэн-көтөн кэпсиирин
көрүөҥ этэ, киирээт да тахсан барбата. Нэһилиэккэ оройуон сонунун
кэпсээн үөрдэн-көтүтэн барара. Ол да иһин кини кэллэҕинэ сэргэхсийии
79