Page 85 - Бэстэрикиэптэр. Олох салҕанар

Бэстэрикиэптэр. Олох салҕанар

Өйүөбүтүн нэдиэлэҕэ тиийэр гына дьаһайан ыыппыттарын эдьиийим
тутар-хабар. Онтон, дьэ, интернакка көһүү буолла. Интернатчик - мин,
эдьиийим миигин батыһан Дьампыттан көһөн киирэн интернакка остуо-
растыыр Уһун Дьэбдьиэҕэ олорор. Воспитательбыт Анисия Марковна
Желобцова. Уолаттар оппуохалаах ньуучча дьиэтигэр, кыргыттар салҕа-
аһын саха балаҕаныгар олоробут. Оскуолабыт директора Федот Павло­
вич Желобцов, завуч Петр Петрович Пестряков .
Балаҕан ыйын маҥнайгы күнүн олус үчүгэйдик өйдөөн хаалбыппын.
Ып-ыраас чаҕылхай сарсыарда оскуола илин урдук кирилиэстээх аанын
иннигэр кыра уҥуохтаах, хара көстүүмнээх алдьархай кытаанах, ааһа
баран кыыһырымтаҕай көрүҥнээх киһи улахан баҕайы алтан чуорааны
кэннигэр сис туттан турар. “Пет Петрович, Пет Петрович»” диэн билээч-
чилэр сибигинэһэллэр. Петр Петровиһы бастакы керуум ити.
IV кылаастары Андросова Зоя Петровна үөрэппитэ. Сыл аҥаарыттан
воспитателбыт уларыйан Василий Иванович Протодьяконов буолбута. Бу
бириэмэҕэ тоҕо эрэ олус элбэхтэ мэниктээн түбэһэр буолан хааллым.
Буруйдаммыт оҕо воспитатель хоһугар киирэн хаһан ыытыахтарыгар
диэри туруохтаах.
Интернат саамай тутаах киһитэ повар Бурцева Дьэбдьиэ. Олус да
эйэҕэс, аһыныгас, киэҥ дууһалаах киһи этэ. Маамабыт диэн ытыктаан
ааттыыр эти бит.
Саас экзамен кэмигэр Маама Дьэбдьиэ “4”, “5” сыаналары ылбыт
оҕолору аһылыкка хатаҕалыыр. Экзамен күн аһылыкпыт лаппа тупсар,
үчүгэй эт миинэ, алаадьы, бэрэски буолар.
Мин ол сыл экзаменнарбын барытын “4”, “5” сыанаҕа туттаран сыл-
лааҕы түмүгүм бүтүннүү “4” этэ, билиҥҥинэн “хорошист”.
V кылааска үөрэнэр сылбар дьоммут Өлүнньэхтээхтэн көһөн киирэн
сэбиэтхонтуоратыгар остуорастаан олорбуттара. Будьыл директор Ани­
сия Даниловна Пестрякова, завуч П.П.Пестряков. Тас интернатчик ааты-
рабын. Онон ыйга биирдэ интернат кладовкатыттан нуорма ас ылабын.
Интернат завхоһунан Мария Петровна Иванова үлэлиирэ. Ийэм сүрдээх
ыарыһах, кыһынын оройуон киинигэр тубдиспансерга киирэн хаалла.
Хонтуора дьиэ саха балаҕана салҕааһыннаах этэ, онно кыбыллан ийэм
эдьиийэ Уһун Дьэбдьиэ дьаһалыгар олоробут.
6 Заказ № 146 81