Page 90 - Бэстэрикиэптэр. Олох салҕанар

Бэстэрикиэптэр. Олох салҕанар

Пестряков диэн директорбын, учууталбын улаханнык ытыктыыр, кунду
киһибин тиһэх суолугар атаарсыбатах, өр сылларга сөҥөрдүбүт махтал-
бын эппэтэх буолан бэйэбин улахан мөлтөх киһинэн ааҕынабын. Өлбүтүн,
кэнниттэн эрэ истэн хаалбытым.
Ити быыкайкаан оҕонньорго өй, дьулуур, тулуур, эрчим барыта
түмүллүбүтүн киһи сөҕөр эрэ!
Билигин оҕолоро, сиэннэрэ биир тэҥ иллээхтик олорон үлэлээн-
хамсаан кини аатын ааттатыахтара, кини аатын араас хайысхаларынан
үрдүк таһымнарга таһаарыахтара.

Н . К .А Л Е К С Е Е В ,
у л э вет ерана, С Р культуратын туйгуна,
О рт о-Э б э ситэтэ с у о х орто оскуолат ы н 1 9 5 6 с . в ы п у с кн и га .

Саха интеллигенциятын
биир бастыҥ киһитэ этэ

Мин Саха АССР үтүөлээх учууталын Пестря­
ков Петр Петровиһы олох кыра эрдэхпиттэн би-
лэр киһим этэ.
“Киһим этэ” диэн ити билигин сааһыран ба­
ран этэбин.
Оччотооҕуга Петр Петрович Орто-Эбэ ситэтэ
суох орто оскуолатыгар ер сылларга учууталы-
нан, директорынан үлэлээбитэ.
Эрдэлээн эттэххэ, Орто-Эбэ оскуолата урук-
ку өртүгэр, оройуон биир саамай биллэр-кестер
үөрэҕин кыһата этэ.
Бу оскуолаттан куорсун анньынан, олох суолугар үктэммит, салгыы
үөрэнэн үлэһит буолбут оройуоннарын аатын ааттаппыт дьон республи-
каҕа аҕыйаҕа суохтар. Петр Петрович идэтинэн нуучча тылын учуутала.
Бэйэтин кэмигэр уһулуччулаах үчүгэй педагог этэ. Кини уруоктарыгар
биһиги, оччотооҕу тыа сирин сэмэй оҕолоро, сөптөөх билиини ылан,

86