Page 106 - Untitled

СТАТЬИ, ИНТЕРВЬЮ

ЕКАТЕРИНА ВАСИЛЬЕВА:
«САЛАЙААЧЧЫ ДЬОНУ ИСТЭР,
КЭПСЭТЭР БУОЛУОХТААХ»

Екатерина Сидоровна Васильеваны кытта мин кини Үрдүкү
Сэбиэккэ үлэлии сырыттаҕына кылгастык билсэн ааспытым.
Онтон 1998 сыллаахха Бырабыыталыстыба Бэрэссэдээтэлин
солбуйааччынан ананыаҕыттан элбэхтэ көрсөн кэпсэппиппит.
Мин Суруналыыстар сойуустарын бэрэссэдээтэлэ буоламмын,
туруорсар, быһаартарар да боппуруоспут элбэҕэ. Оччолорго
Михаил Ефимович Николаев айар сойуустар бэрэссэдээтэллэ-
рин уонна хаһыаттар, сурунааллар кылаабынай эрэдээктэрдэ-
рин кытта быспакка көрсүһэрэ, туруорсубут боппуруостарбыт
өйөбүл ыллахтарына, Екатерина Сидоровнаҕа тиийэн салгыы
олоххо киллэрэргэ үлэлэһэрбит.
Мин ордук Екатерина Сидоровна «Илин» сурунаалы өйөө-
бүтүн өрүүтүн махтана саныыбын. Кини туруорсан, Бырабыы­
талыстыба анал уурааҕа тахсыбыта, көмө оҥоһуллубуга. 2001
сыл бүтүүтэ кэпсэтии баран уонна 2002 сыл саҥата «Илин» суру-
наал Бырабыыталыстыба Бэрэссэдээтэлэ Василий Михайлович
Власовтыын дуогабарга илии баттаһан, бары ороскуоппутун
бюджеттэн убулээбиттэрэ. Ол гынан онтукайбыт сыл аҥаара
эрэ улэлээн баран, саҥа бырабыыталыстыба дуогабартан ак-
каастаммыта. Биричиинэтэ, этэргэ дылы, туспа кэпсэтии.

82