Page 107 - Untitled

Екатерина Сидоровналыын көрсөн уруккуну-хойуккуну са-
наһан, быйыл ыам ыйыгар интервью уһуллубут.
— Екатерина Сидоровна, эн 1990—2000 сылларга, өрөс-
пүүбүлүкэ олоҕор биир кэрдиис кэмҥэ, Бырабыыталыс-
тыба Бэрэссэдээтэлин солбуйааччынан бэрт диэн таһаа-
рыылаахтык үлэлээн кэлбитиҥ. Дьэ ол кэми ахтан-санаан
ааһыахха эрэ. Хайдах этэй?
— Арай биирдэ мин дьиэбэр олордохпуна төлөпүөн кэллэ.
Ити 1987 сыл этэ. Михаил Ефимович приемнайыттан Вален­
тина Степановна эрийэр. Этэр: «Мин билигин Михаил Ефимо-
виһы кытта холбуом». Соһуйдум, туох буоллаҕай диэн. Михаил
Ефимович холбонно, дорооболоһон баран: «Эн туох буолан ак-
каастана сылдьаҕын?» — диэтэ. Мин хардары: «Михаил Ефи­
мович, туту этэргин өйдөөбөтүм ээ, мин туохтан, хаһан аккаас-
таммыппыный?» — диэтим. Кини да соһуйда быһыылаах
уонна: «Власов Василий Михайлович эйигин кытта кэпсэппэ-
тэҕэ дуо?» — диэтэ. «Суох, миэхэ ким да эрийэ илик, бу Камчат-
каҕа доҕотторбор сынньанан баран саҥа кэллим», — диэтим.
«Билигин эрийиэ», — диэтэ.
Уонча мүнүүтэ буолбата, Власов приемнайыттан эрийэн, Ва­
силий Михайловичтыын холбоотулар. «Эйигин үлэҕэ ылабыт,
кэлэ сырыт», — диэтэ. Кини оччолорго президент дьаһалтатын
баһылыга этэ. Тиийдим, кэпсэттибит. Кини: «Администрация -
ҕа территориялары, улуустары кытта үлэлиир управление баар,
эн онно кэлэн үлэлээ», — диэтэ. Мин толкуйдуох буоллум. Ол
кэннэ сотору саамай убаастыыр киһим Варвара Андреевна
Петрова эрийдэ. Ол саҕана кини Ньурбаҕа баһылык. «Туох буо-
лаҥҥын толкуйдуом эҥин дии сылдьаҕын? Кэлэн госслужбаҕа
үлэлээ. Ити САПИ-га олороору гынаҕын дуо? Эн госслужбаҕа
сөптөөх киһигин», — диэн этэн кэбистэ. Онтон аны Зоя Афа­
насьевна Корнилова эрийэ сырытта. «Кэлэн үлэлиэххин, ити
биһиги эппиппит, эйигин ылан өрөспүүбүлүкэ туһугар үлэлэ-
тиҥ диэммит», — диэтэ. «Сөп», — диэтим. Баран үлэлээн бар-
дым. 1998 сыллаахха Власов Бырабыыталыстыба Бэрэссэдээ-

6* 83