Page 110 - Untitled

гэ үлэлээбиппит. Кини Мархаҕа төрөөбүт олохтоох нуучча,
нууччалыы эттэххэ, порядочнай, чиэһинэй, үлэһит киһи. Туох
да үөнэ-күрдьэҕэтэ суох, үлэни өрө туппут киһинэн мин кини-
ни сыаналыыбын. Кини Саха сирин патриота. Биһиги ыытар
үлэбитигэр, культурабыт, литературабыт, ис1сусствобыт сайда-
рыгар киллэрэр бары этиилэрбитин өйүүр этэ. Үп-харчы булан
биэрэн көмөлөспүтэ, күүскэ үлэлээбитэ. Михаил Ефимовиһы
үһүс болдьоххо ыыппатахтарыгар мин Власовка киирэн этэр
буоллаҕым: «Василий Михайлович, мин биир өйдөбүллээхпин,
бириинсиптээхпин. Бу Саха Өрөспүүбүлүкэтин салайааччы-
тынан икки тылы билэр уонна саҥарар олохтоох киһи буолуох-
таах диэн. Ол гынан баран билигин эн президеҥҥэ турар буол-
лаххына, мин эйигин олох икки илиибинэн өйүүбүн уонна эн
президент буоларгар күүскэ үлэлиэм этэ», — диэн. Ону «Тоҕо?»
диэтэ. «Эн чахчы өрөспүүбүлүкэ патриотаҕын, ону биһиэхэ
көрдөрдүҥ, дьон барыта өйүө этэ», — диэтим. Кини оччолорго
быыбарга тоҕо эрэ барбатаҕа, тура да сатаабатаҕа. Ис хоһоонун
билбэппин. Баҕар, Москва кыттыспыта буолуо. Мин санаабар,
кини президент буолбута буоллар, өссө күүскэ сайдыа этибит,
ордук тылбыт-өспүт, культурабыт өттүнэн.
— Екатерина Сидоровна, оччолорго эйигин кытта үлэ-
лээбит, алтыспыт дьон эн сайаҕас, амарах майгыгын
бэлиэтииллэр. Эн санааҕар, билиҥҥи саха салайааччыта
хайдах буолуохтааҕый?
— Урут да, билигин да этэбин: салайааччы аан бастаан дьон
санаатын истэр уонна дьону кытта сатаан кэпсэтэр буолуох-
таах. Дьон туох диирин өйдөөн, ону сөп түбэһэринэн өйөөн,
бииргэ үлэлиэхтээх. Куруутун өйдүөн наада, кини бэйэтин үчү-
гэйинэн дуу, тугунан дуу бу миэстэҕэ олорботоҕо. Бу миэстэҕэ,
холобура, кини курдук таһымнаах салайааччы элбэх, ол гынан
баран бу кэмҥэ кини сөп түбэһэн бу кириэһилэҕэ анаммыт,
олорбут. Дьиҥинэн, кинитээҕэр таһаарыылаахтык уонна өссө
үчүгэйдик үлэлиэн сөптөөх дьоннор баалларын кини хаһан да
умнуо суохтаах. Салайааччы хайаан да дьон итэҕэлин толорон,
86