Page 109 - Untitled

быһаарсан, туруорсан син этэҥҥэ үлэлээн кэлбиппит. Этэргэ
дылы, булан-талан, ону-маны оҥорор этибит. Оччолорго мин
бигэ өйдөбүлү тутуспутум: тугу эрэ оҥоруоххун баҕардаххына,
бастаан дьон санаатын билиэхтээххин, дьон биһигиттэн тугу
эрэйэрий, күүтэрий, туох баҕа санаалааҕый диэн. Манна аҕын-
нахха, ити 1998 сыл депутаттар бырабыыталыстыбаны отчуот-
таттылар уонна «неуд» — «икки» сыананы биэрдилэр. Саҥа үлэ-
лээн эрэр бырабыыталыстыба састаабыгар. Оччотугар дьоҥҥо
барыахха дэстибит уонна бырабыыталыстыба отчуотунан
улуустарынан бары нэһилиэктэри кэрийдибит. Мин Чурапчыга
сырыыбытын холобурдуум. Нэһилиэнньэни кытта көрсүһүү-
гэ эттилэр: «Екатерина Сидоровна, эн Тааттаҕа үлэлээбитиҥ,
биһиги эйигин билэбит. Онон эн ити илдьэ сылдьар дьоҥҥор
биһиги биэрэр ыйытыыларбытыгар барытыгар бэйэҥ эппиэт-
тээ», — диэн. 40-тан тахса ыйытыыны биэрбиттэрэ. Барытыгар
баарынан эппиэттээтэҕим дии. Тыл этиигэ биир саастаах киһи
туран баран бу туох буолбут депутаттарый, саҥа үлэлээн эрэр
дьоҥҥо куһаҕан сыананы биэрбит буола-буолалар диэн депу­
таттар үрдүлэригэр түстэ. Ити курдук оччолорго отчуоттаам-
мыт, нэһилиэнньэттэн өйөбүлү ылбыппыт.
— Оччолорго дьон эрэлэ улахан этэ.
— Оннук. Ол саҕана барыта саҥа буолан, биһиги сахалар-
быт дэнэн, Президеннэнэммит, бэйэбит культурабытын, ли-
тературабытын өрө тутаммыт, биһиги саха буоламмыт тылбы-
тын-өспүтүн илдьэ сылдьабыт уонна салгыы сайдар эбиппит
диэн дьон-сэргэ күүстээх эрэллээх этэ. Онон үлэлииргэ чэпчэ-
ки этэ. Ханна да тиий, дьонтон өйөбүлү ылар этибит.
— Василий Михайлович туһунан ахтыахха. Эһиги бас­
таан Үрдүкү Сэбиэккэ бииргэ үлэлээтэххит дии.
— Били партия эстибитин кэннэ, биһиги партийнай
үлэһиттэр хас да ый үлэтэ суох сылдьыбыппыт. Онтон мии-
гин Үрдүкү Сэбиэккэ тэрийэр отделга ыҥыран үлэлэппиттэрэ.
Бэрэссэдээтэлбит Иванов Климент Егорович этэ. Кини солбу-
йааччытынан — Василий Михайлович Власов. Онтон ыла биир-
85