Page 72 - Untitled

БИҺИГИ ЭДЬИИИ КАТЯБЫТ

Ытыктыыр киһибит, эдьиий-
бит Екатерина Сидоровна, 75
сааскын туолар үбүлүөйдээх
күҥҥүнэн итиитик-истиҥник
эҕэрдэлиибит!
Биһиги ийэбит Мария Ва­
сильевна Копырина Розаны
уонна Катяны оҕо эрдэхтэ-
ринэ көрбүт, оҕолообут буо-
лан, киниэхэ наһаа истиҥ-
ник сыһыаннаһаллара. Наар
Эдьиий Маайа дии сылдьал-
лара. Ийэбэр кэһии гынан аҕалбыт иһиттэрэ билигин да баар,
биһиги тутта сылдьабыт.
Биһиги оҕо эрдэхпититтэн Эдьиий Катя диэн ааттыырбыт.
Кэлин улахан үлэһит буолбутун истэрбит. Ордук чугастык улаа-
тан баран алтыспыппыт. Куоракка киирдэхпитинэ, кинилэргэ
түһэбит, сылдьыһабыт.
Ийэбит тыыннааҕар эт, балык кэһии ыытара. Ол үгэһи биһи-
ги билигин даҕаны тутуһабыт.
Екатерина Сидоровна устудьуоннуур сылларбар элбэхтик
көмөлөспүтэ. Ыал буолар уруум остуолун сүрүннээн кини тэ-
рийсибитэ диэтэхпинэ, сыыспатым буолуо.
Эдьиий Катя үлэтиттэн уурайан баран Эдьиий Розалыын
сайын аайы Түүлээххэ сынньанар буолбуттара. Онно Анна Пав-
ловналаахха түһэллэрэ.
Баанньалаах кинилэргэ убаһа бэлэхтээбиттэрэ, ол убаһа
билигин биэ буолан, сыл аайы идэһэлэнэллэр. Оттон биэни
быраатым Вася көрөр-истэр.
Эдьиий Катя билигин да Баанньалааҕы кытта Түүлээххэ
аҕыйах хонукка кэлэн барар. Кэлэригэр оҕолорго хайаан да
кэһиилээх буолар. Кэпсэтэн, күүлэйдээн, сынньанан ааһар.
72